Juan 9:31 - Qullan Arunaka DC

³¹ Yatitawa, Diosax janiw khiti jucharararus ist'kiti, jan ukasti khitinakatix jupar yupaychapki, munañap lurapki ukanakarukiw Diosax ist'i.

Aymar Bibliia 1986

³¹ Yattanwa Diosajj janiw qhiti jucharararus ist'quiti, jan ucasti qhitinacatejj juparu yupaychapjje, uqhamarac munañap lurapqui ucanacaruquiwa Diosajj ist'i.

Qullan Arunaca

³¹ Yattanwa Diosajj janiw qhiti jucharararus ist'quiti, jan ucasti qhitinacatejj juparu yupaychapjje, uqhamarac munañap lurapqui ucanacaruquiwa Diosajj ist'i.

Juan 9:31 Jak'a apnaqawi uñst'ayäwi

Génesis 19:29

Ukham Diosax qhirwa tuqinkir markanak t'unjäna, kawkhantix Lot chachax jakkäna uka markanaka, ukampis Abrahamat amtasisin Lot chacharux uka chiqat irpsuwayxarakïna.

Génesis 20:7

Jichhasti, uka warmir chachapar irpxaruyxam. Jupax profetawa, juman jakañamatakis mayirapïtamwa. Janitix warmipar irpxaruykäta ukaxa, jumasa, wila masinakamas jiwarapxätawa” sasa.

Job 35:12

Wararisipkiwa, ukampis Diosax janiw jupanakar ist'kiti, jupanakan qhuru, jach'a jach'a tukur jaqinakäpxatap layku.

Job 35:13

Taqi ch'aman Diosax janiw k'ari arunakarux ist'kiti.

Job 42:8

Jichhasti paqallqu urqu vacampi, paqallqu urqu ovejampi katupxam, ukatsti Job luqtirixan ukaru sarapxam, ukatsti nakt'ata wilañcha jumanakataki luqtapxarakim. Job luqtirixaw jumanakatak mayini, nayasti jupan mayitapxa ist'arakïwa, janiw kuna ñanqhsa jumanakarux lurapkämati, jumanakar mutuyañas wakiskchi ukasa, nayxat jan chiqapar qhanañchapxatam layku, kunjämtix Job luqtirixax qhanañchki ukhama” sasa.

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Salmos 143:10

Munañam lurañ yatichita, nayan Diosaxätam layku. Munasir ajayumax chiqa thakhinjamay irpitpan.

Salmos 145:19

Jupar arkirinakan munataparjamaw phuqhi; arnaqasitanakap ist'i, qhispiyaraki.

Salmos 18:41

41 (42) Jupanakax yanap mayisipxäna, janiw khiti yanapt'iris utjkänti, Tatituruw art'asipxäna, jupasti janiw ist'känti.

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Proverbios 15:29

Tatitux ñanqha lurir jaqinakat jithiqtiwa, aski jaqinakan mayisitanakapsti ist'iwa.

Proverbios 21:13

Jan kunan jaqin achikt'asitapar jan ist'ir jaqixa, jupax yanap maykani ukkhax, janirakiw ist'atäkaniti.

Proverbios 28:9

Diosan kamachipar jan ist'añ munir jaqirux, janiw jupan mayisitap Diosax ist'kaniti.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Isaías 58:9

Jawsitäta ukkhax nayax ist'ämawa; yanapa mayisisatix arnaqasïtaxa, nayasti: ‘Akankasktwa’ sarakïmawa. Jumatix khitirus jan t'aqhisiykäta, mayninakarus janirak jisk'achkäta, kuna k'ari arunaksa jan parlkäta,

Jeremías 11:11

Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Miqueas 3:4

Tatitur arnaqasipkäta uka urusti, jupax janiw ist'apkätamti. Ñanqhanak lurapxatanakam laykuxa, jumanakatxa imantasxaniwa.

Zacarías 7:13

sarakïnwa: “Kunjämtix jupanakax nayan jawsatax jan ist'añ munapkitänxa, ukhamarakiw nayax jan ist'käti kunapachatix jupanakax art'asipkitani ukkhaxa.

Juan 11:22

Ukampis nayax yattwa; taqi kuntix Diosat maykäta ukxa, jupax churätamwa —sasa.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Juan 9:30

Uka jaqisti jupanakarux sarakïnwa: —¡Akax muspharkañawa! Jumanakax janiw yatipktati kawkit jutatapsa, ukampis nayarux uñjayituwa.

Juan 9:32

Janiw kunapachas khiti jaqitsa ist'asirïkiti: “Yurïwipatpach juykhu jaqiruw qullatayna” siri.

Deuteronomio 1:45

Kuttanxapxta ukkhasti, jumanakax Tatit nayraqatan jachapxtaxa, ukampis jupax janiw jachatanakam ist'känti.

Hebreos 10:7

Ukat nayax sista: ¡Diosay! ‘Nayax akankasktwa, kamisatix qillqatax nayxat parlki ukarjam munañam phuqhiriw jutta’ ” sasa.