Juan 8:6 - Qullan Arunaka DC

⁶ Jupanakax Jesusar yant'añatakiw ukham jiskt'apxäna, ukat jupar juchañchañataki. Jesusasti uraqir alt'asaw luk'anampi qillqañ qalltäna.

Aymar Bibliia 1986

⁶ Jupanacajj acjja sapjjänwa Jesusar yant'añataqui, ucat jupar juchañchañataqui. Jesusasti ucapachajj orakeru alt'asin luc'anampi kellkañwa kalltäna.

Qullan Arunaca

⁶ Jupanacajj acjja sapjjänwa Jesusar yant'añataqui, ucat jupar juchañchañataqui. Jesusasti ucapachajj orakeru alt'asin luc'anampi kellkañwa kalltäna.

Juan 8:6 Jak'a apnaqawi uñst'ayäwi

Génesis 49:9

¡Jumasti Judá, wawaxa! Mä león qallur uñtatätawa; katuntatapar manq'antasaxa, uraqir alintasaw liwnuqtaraki, mä jach'a leonäkaspas ukhama. ¿Khitirak sartayaspasti?

Salmos 39:1

1 (2) Nayax sum sarnaqañatakiw arsta, arsutaxampis juch jan lurañataki, uñisirixan nayraqatapansa lakaxsa llupt'asiñataki.

Proverbios 26:17

Mayninakan ch'axwañanakapar mantañaxa, qhuru anur jinchupat katthapksna ukhamawa.

Eclesiastés 3:7

Ch'iyanuqañ pacha, ch'ukthapiñ pacha. Amukt'añ pacha, parlañ pacha.

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Daniel (hebreo) 5:5

Ukapachaw mä jaqina amparapax reyin utapan janq'u pirqapxan uñstäna, ukat qillqañ qalltäna. Micha qhanampix kunjämtix qillqkäna ukax sumpun uñstäna. Ukhama uka ampara qillqaskir uñjasinsti,

Amós 5:10

¡Ay kunakïkan jumanakatakixa, chiqap uñjirirux uñisipxtawa, chiq qhanañchañatak sayt'irirus ñanqhachapxtawa!

Amós 5:13

Urunakan jan walïxatapatxa, yatiñan jaqinakax janiw parlañ munkxapxiti.

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Mateo 15:23

Jesusasti juparux janiw kamskänsa. Ukat yatiqirinakapax jupar jak'achasisin achikt'apxäna: —Uka warmirux yanapt'am, jiwasan qhipas arnaqasis jutaski —sasa.

Mateo 16:1

Fariseonakampi saduceonakampix Jesusaruw jak'achasipxäna, jupar yant'añatakisti, Diosan jupar khithanitapan chiqätap qhanañchañapatakiw mä muspharkañ unañcha mayipxäna.

Mateo 19:3

Ukapachaw fariseonakat mayninakax, Jesusar jak'achasisin jupar yant'añatak jiskt'apxäna: ¿Mä chachax warmipampi mä kunatsa jaljtakispati? —sasa.

Mateo 22:18

Jesusasti jupanakan jan wali amtañanïpxatap amuyasin, jupanakar sarakïna: —K'ari chuyman jaqinaka, ¿kunatsa jumanakax nayar aynacht'ayir jutapxta?

Mateo 22:35

jupanakat maynïrix kamachi yatichirïnwa, jupasti yant'añatakiw Jesusar jiskt'äna:

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Marcos 10:2

Fariseonakasti Jesusar jak'achasisin jupar pantjayañatakiw jiskt'apxäna: —¿Wakisiti mä chachax warmipampi jaljtañapaxa? —sasa.

Marcos 12:15

Jesusasti jan wali amtañampi sapxatap yatisinxa, sänwa: —¿Kunatsa jumanakax nayar aynacht'ayir jutapxta? Apanipxam mä qullqi uñxatañaxataki —sasa.

Marcos 3:2

Jesusar uñisirinakasti jamasat uñch'ukisipkäna sábado urun qullanit janicha, uk yatiñataki, ukat juchañchañataki.

Marcos 8:11

Fariseonakax Jesusan ukar purinisax jupampiw jiskhintasipxäna. Jesusar yant'añatakisti, mä unañcha uñacht'ayañapatakiw mayipxäna, ukampix Jesusan Diosat jutatap uñacht'ayañapataki.

Lucas 10:25

Kamachi yatichir mä jilïriw Jesusamp parlir saräna, jupasti Jesusar yant'añatakiw jiskt'äna: —Yatichiri, wiñay jakañ katuqañaxatakix ¿kuna lurañaxas wakisi? —sasa.

Lucas 11:16

Mayninakasti jupar yant'añatakiw alaxpachat mä unañcha mayipxäna.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

1 Corintios 10:9

Janirak Tatiturux yant'kañäniti, kunjämtix jupanakat yaqhipanakax lurapkän ukhama, ukham luratapatsti katarinakan achjataw jiwarapxäna.