Juan 8:17 - Qullan Arunaka DC

¹⁷ Jumanakan kamachinakaman akham qillqatawa: “Pani irkatiritix mayak arsupxchi ukax chiqawa”.

Aymar Bibliia 1986

¹⁷ Jumanacan leyinacamanjja aqham kellkatawa: “Pani testigotejj mayac arsupjje ucajja chekawa,”

Qullan Arunaca

¹⁷ Jumanacan leyinacamanjja aqham kellkatawa: ‘Pani testigotejj mayac arsupjje ucajja chekawa,’

Juan 8:17 Jak'a apnaqawi uñst'ayäwi

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

Números 35:30

“Mä jaqi jiwayir jaqix walja uñjirinak qhanañchañatak utjchi ukapachakiw jiwañapatak juchañchat uñjasini. Mayni sapakix janiw askïkiti khitir jiwañapatak juchañchañatakisa.

Mateo 18:16

Janitix ist'kätamxa, maynirusa, jan ukax panirus irpasim, ukhamat kuntix arskäta ukxa paninisa, jan ukax kimsanisa arsusin irkatañapataki.

Juan 10:34

Jesusasti jupanakarux sarakïnwa: —Jumanakan kamachiman qillqatawa: “Jumanakax diosanakäpxtawa” sasa.

Juan 15:25

Ukampis ukax phuqhasiskiwa, kunjämatix kamachin qillqatäki ukarjama: ‘Aliqatak uñisipxitu’ sasa.

2 Corintios 13:1

Akampix kimsïr kutiw jumanakar tumpxapxäma. Taqi kunas pani, jan ukax kimsa jilatanakan arsutaparjamaw askichatäni.

Gálatas 3:24

Ukhamasti kamachix yatichirir uñtataw irpawayistu, Cristor irpkatañkama, jupar iyawsatas layku Diosampi katuqatäñasataki.

Gálatas 4:21

Moisesan kamachiparjam sarnaqañ munirinaka, sapxita: “¿Janit ist'apkta kamachix siski uksti?

Deuteronomio 17:6

“Jiwayatäñataki juchañchäwisti kunapachatix pani, jan ukax kimsanisa qhanañchapxani ukapachakiw juchañchäwix utjani, ukampis janiw mayni sapan qhanañchatapampikix khitis jiwayatäñatak juchañchatäkaspati.

Deuteronomio 19:15

“Mä taripäwinxa, jaqi jiwayatapat khitir juchañchañatakisa, pani, jan ukax kimsa irkatirin arsutapaw askïni. Janiw mä sapa irkatirin arsutapax juchañchañatak askïkaniti.

Hebreos 10:28

Kunapachatix maynix Moisesan kamachipar jan phuqchixa, ukat pani, jan ukax kimsa irkatirinakax utjchi ukaxa, jan khuyapt'ayasis jiwayañatak juchañchatawa.

1 Juan 5:9

Jaqinakan qhanañchatapsti iyawstanwa, ukampis Diosan qhanañchäwipaw juk'ampi jilanki, Diosax Wawapxat qhanañchatap layku.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.