Juan 7:35 - Qullan Arunaka DC

³⁵ Judionakasti jupanakkamaw jiskt'asipxäna: —¿Kawkirurak sarxpachänisti, jiwasanakan jupar jan jikxatañatakisti? ¿Jaya markanakar ananukut judionakan ukarut sarpachäni, ukatsti Diosar jan uñt'ir jaqinakar yatichirich sarpachänixa?

Aymar Bibliia 1986

³⁵ Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Qullan Arunaca

³⁵ Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Juan 7:35 Jak'a apnaqawi uñst'ayäwi

Salmos 147:2

Tatituw Jerusalenarux wasitat sayt'ayi, Israel markat ananukutanakarusti tantachthapiraki.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 11:12

Taqi markanakaruw tantacht'ani, jaya markar apayat israelitanakaru, jaya markar apayatat Judá markankirinakaruw tantachthapini, aynachata, alayata, inti jalsuta, inti jalanta tuqinakat mayawjaruw tantacht'xani.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 56:8

Kawkïri israelitanakatix jayan apanukutäsipki ukanakaruxa, nayaw kuttayanisin markapar tantachthapxä.” Uk Tatitux arsu.

Sofonías 3:10

Etiopía jawir tuqinakata, ch'iqitatat markaxasti, achikt'asisaw waxt'äwinak apanisin nayan ukar jutapxani.

Mateo 12:21

Markanakasti jupar iyawsasaw suyt'apxani”.

Lucas 2:32

Jupäniw taqi markanakar qhantir qhanaxa, Israel markamar jach'ar aptirisa” sasa.

Juan 12:20

Jerusalenar Pascua urun yupaychir sarapkatayna uka jaqinakatxa, griego jaqinakaw ukankarakïna.

Juan 7:1

Uka qhipatsti, Jesusax Galilea tuqinakan sarnaqäna. Janiw Judeankañ munkänti ukan judionakan jiwayañ munapxatap layku.

Juan 8:22

Judionakasti sapxarakïnwa: —¿Jiwayaspachäniti ukatti sispacha: “Kawkirutix sarkä ukarux jumanakax janiw jutapkasmati” sasasti?

Hechos 11:18

Jerusalenankir jilatanakasti ukanak ist'asin amukt'apxiwa, ukatsti Diosaruw yupaychapxi, muspharataw sapxaraki: —Ukhamax Diosax jan judiöpkis uka jaqinakan jupar kutikipstapxañap munaraki, ukhamat wiñay jakañanïpxañapataki —sasa.

Hechos 11:20

Ukampisa, Chiprenkiri, Cirenenkir mä qawqha iyawsirinakax Antioquiar purisin, jan judiöpkis uka jaqinakaruw Tatit Jesusan suma yatiyäwipat arsupxarakïna.

Hechos 14:1

Iconio markar purisinsti, Pablompi Bernabeampix judionakan sinagogaparuw mantapxäna. Ukan jupanakax jaqinakar Jesusat arsupxäna, waljaniw iyawsapxäna, judionakatsa jan judionakatsa.

Hechos 17:4

Uka arunak ist'asinsti, yaqhip judionakax iyawsapxänwa. Ukat Pablompir Silasampir jaqkattapxäna. Diosar yupaychir griego jaqinakampita, wali aytat warminakampit waljaniw iyawsapxarakïna.

Hechos 18:4

Pablox sapa sábado uruw sinagogar parlir saräna, ukansti judionakarusa, jan judionakarus iyawsayañkamaw parläna.

Hechos 21:21

Jupanakax yaqha markan jakir judionakar akham yatichatam yatipxi: “Moisesan kamachinakapar janiw jaysañäkiti, yuqall wawanakarusti janiw circuncisión luräwi katuqayañäkiti, janirakiw jiwas judío jaqinakan saranakasarjam sarnaqañax wakiskiti” sasa.

Hechos 22:21

Ukampis Tatitux situwa: ‘Sartasim, nayax wali jaya markanakaruw khithäma’ ” sasa.

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

1 Timoteo 2:7

Uk yatiyañatakiw Diosax nayar ajllisitu, apostolut ucharakitu, iyawsañampita, chiqa kankañampit jan judiöpki ukanakar yatichañaxataki. Kuntix nayax arskta ukax chiqäskapuniwa; janiw k'ariskti.

2 Timoteo 1:11

Diosaw nayarux apostoluta, yatichirita, uka suma yatiyäwinak qhanañchir khithitu.

Santiago 1:1

Naya Santiago, Jesucristo Tatitu Diosan luqtiripa, Israelan tunka payan ayllunakaparu, aka uraqpachan ch'iqitatatäpki ukanakaruw aruntanipxsma.

1 Pedro 1:1

Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma.