Juan 6:37 - Qullan Arunaka DC

³⁷ Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Aymar Bibliia 1986

³⁷ Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Qullan Arunaca

³⁷ Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Juan 6:37 Jak'a apnaqawi uñst'ayäwi

Salmos 102:17

17 (18) apanukut jaqin mayisitap ist'kan ukapacha, achikt'asitanakapar jayskan ukapacha.

Salmos 110:3

Markamax atipt'añam urunxa, jumaruw katuyasxätam. Qullan qullunak patxanxa, willjta sullar uñtataw wayna kankañamax sapür machaqaptani.

Isaías 41:9

Nayaw jumarux uraqi tukuyapatpach irpsunsma, wali jaya uraqitpach jawsansma, saraksmawa: ‘Jumaw nayan luqtirixätaxa.’ Nayaw jumarux ajllissma, janiw jisk'achkaraksmati.

Isaías 42:3

usuchjatanakarusti janiw juk'amp usuchjkaniti, niya jiwirpacharus janirakiw jiwaykaniti. Jan ukasti, juk'a ch'amaninakarux ch'amañcht'aniwa, chiqa kankañ utjayarakini.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Juan 17:6

“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.

Juan 6:39

Khithankitu ukan munañapasti akawa: Jupax katuykitu ukanakatxa, janiw maynirus chhaqhayañaxäkiti, jan ukasti tukuy urun jiwatat jaktayañaxawa.

Juan 6:65

Ukat sarakïna: —Ukatpï sapxsmaxa, janiw khitis nayar jutkaspati, janitix Awkixax jupanak katuykitaspa ukaxa —sasa.

Juan 9:34

Ukatsti juparux sapxarakïnwa: —Jumax juchan phuqt'ataw yurtaxa, ¿ukhamäkasati nanakar yatichañ munapxista? —sasa. Uk sasin jupar sinagogat jaqunukupxäna.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.

Filipenses 1:29

Diosaw jumanakarux Cristor iyawsapxatam layku kusisiñ churapxtam, ukatsti jupa layku t'aqhisiñ churapxaraktam.

1 Timoteo 1:16

Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.