Juan 5:42 - Qullan Arunaka DC

⁴² Ukhamarus nayax jumanakar uñt'apxsmawa, Diosar jan munatanakamsa yatiraktwa.

Aymar Bibliia 1986

⁴² Ucampis jumanacarojj uñt'apjjsmawa, yatiractwa Diosar jan munatanacama.

Qullan Arunaca

⁴² Ucampis jumanacarojj uñt'apjjsmawa, yatiractwa Diosar jan munatanacama.

Juan 5:42 Jak'a apnaqawi uñst'ayäwi

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Juan 2:25

Janiw jupax uka jaqinakat khitin arsuñapas wakiskänti, jan ukasti jupa pachpaw jaqin chuymap uñt'äna.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Juan 5:41

“Janiw nayax jaqinakan jach'añchäwinakap munkti.

Juan 5:43

Nayax Awkixan khithanitaw jutta, jumanakasti janiw katuqapkistati; ukampis maynitix jupa pachpat jutaspa ukarux katuqapxasmawa.

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

Juan 8:47

Khititix Diosankirïki ukax, Diosan arunakap ist'i; ukampis jumanakax janiw Diosankirïpktati, ukatpï Diosan arup jan ist'añ munapktatixa —sasa.

Juan 8:55

Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta.

Romanos 8:7

Janchin munañaparjam luririnakax Diosan uñisirinakapawa, jupanakax janiw Diosan kamachipar munapkiti, janirakiw arunakaparus jaysapkaspati.

1 Juan 2:15

Jan akapacharux munapxamti, kunatix akapachan utjki ukanakarus janirak munapxamti. Khititix akapachar munki ukax janiw alaxpach Awkirux munkiti.

1 Juan 3:17

Ukampis mayni qamiritix jilapan pist'ayasitap yatkasin jan khuyapt'ayaskchi ukaxa, ¿kunjämarak Diosan munasiñapasti chuymapan utjaspasti?

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?