Juan 20:26 - Qullan Arunaka DC

²⁶ Kimsaqallqu uru qhipatsti, yatiqirinakapax wasitampiw mä utan tantachasipxäna, Tomasisti ukapachax jupanak taypinkänwa. Punkunakax suma jist'antatänwa, Jesusasti ukaruw mantäna, jupanak taypiruw sayt'asïna, ukatsti aruntarakïnwa: —¡Sumankañax jumanakampïpan! —sasa.

Aymar Bibliia 1986

²⁶ Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Qullan Arunaca

²⁶ Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Juan 20:26 Jak'a apnaqawi uñst'ayäwi

Isaías 26:12

Tatay, jumaw nanakar aski kankañ churapxista; chiqpachansa juma sapakiw taqi lurañanakax lurtaxa.

Isaías 27:5

Israel markatix nayan jupar imañax munchixa, nayampix sumar mantañapawa; jïsa, nayampix sumankthapiñapawa.”

Isaías 54:10

Jach'a qullunakax yaqha chiqarusay unxtasipkpan, jisk'a qullunakas aynacharusay jutasipkpan, ukampis munasiñaxax jumatakix janipuniw tukuskaniti, janirakiw sumar mantäwi arust'äwixas t'unjatäkaniti.” Ukham siwa jumar khuyapayir Tatituxa.

Mateo 17:1

Suxta uru qhipatsti Jesusax Pedrompiru, Santiagompiru, Juan jilapampir irptawayasaw mä jach'a qullu patar makhatäna.

Marcos 16:14

Uka qhipatsti Jesusax tunka mayan yatiqiriparuw uñstäna manq'añatak qunt'atäsipkiriru. Jupanakarusti pisi iyawsañanïpxatapata, qala chuymanïpxatapat tuqinuqäna, Jesusan jaktatap yatiyirinakar jan iyawsapxatap layku.

Lucas 24:36

Jupanakan ukham ukanakat parlasipkiriruw Jesusax akatjamat jupanak taypin uñstäna, ukat jupanakar aruntäna: —Samarañax jumanakampïpan —sasa.

Lucas 9:28

Ukanak satapatsti niya kimsaqallqu uruw saraqxäna, ukapachaw Jesusax Diosar mayisir mä qullur makhatäna Pedrompi, Santiagompi, Juanampi kuna.

Juan 11:16

Ukapachaw Tomasix, Ispa satäkän ukax yatiqir masinakapar säna: —Jiwasanakax jupamp chik jiwir sararakiñäni —sasa.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Juan 20:19

Uka domingo arumasti, Jesusan yatiqirinakapax judionakar axsaratap laykuw uta punkunak jist'antasisin tantachasipxäna. Jesusasti ukaruw mantäna, jupanak taypin sayt'asin aruntäna, akham sasa: —¡Sumankañax jumanakampïpan! —sasa.

Juan 20:21

Jesusasti wasitampiw jupanakar säna: —¡Sumankañax jumanakampïpan! Kunjämtix Awkix nayar khithankitu, ukhamarakiw jumanakar khithapxsma —sasa.

Juan 21:1

Uka qhipatsti, Jesusax wasitampiw yatiqirinakapar Tiberias sat quta thiyan uñstäna. Ukasti akhamänwa:

Juan 21:14

Akampix Jesusax kimsa kutiw yatiqirinakapar uñstäna jiwatanak taypit jaktatap qhipata.

Hechos 1:3

Jesusax jiwatat jaktasinxa, jupa kipkaw jupanakar uñstäna, ukhamat chiqpachapun jaktxatapat uñacht'ayasa. Pusi tunka urun walja kutiw apostolunakapar uñstäna, Diosan qhapaq markapxat parlarakïna.