Juan 20:22 - Qullan Arunaka DC

²² Ukatsti jupanakxaruw phust'äna, ukat sarakïna: —Qullan Ajay katuqapxam.

Aymar Bibliia 1986

²² Ucatsti jupanacjjaru phust'asinsti saraquïnwa: —Kollan Ajayu catokapjjam.

Qullan Arunaca

²² Ucatsti jupanacjjaru phust'asinsti saraquïnwa: —Kollan Ajayu catokapjjam.

Juan 20:22 Jak'a apnaqawi uñst'ayäwi

Génesis 2:7

Ukxarusti Diosax laq'at jaqirux luräna, nasapat phust'asin jakañ churäna. Ukhamat jaqix jakxäna.

Job 33:4

Taqi ch'aman Diosaw nayarux irnuqitu, ajayupampiw jakañ churarakitu.

Salmos 33:6

Tatitux arupampiw alaxpach lurt'i; inti, phaxsi, warawara taqi ukanak utjayi.

Ezequiel 37:9

Ukatsti Tatitux sarakituwa: “Nayan sutixar jakañ samanar parlam, akham sasa: ‘Tatitux akham siwa: Jakañ samana, pusi tuqitpach sarthapinim, ukatsti aka jiwat ch'akhanakaru jakañ churam’ ” sasa.

Juan 14:16

Nayasti Awkiruw achikt'ä, jumanakar Qullan Ajayu khithaniñapataki, jupaw wiñayatak jumanakampïskani. Akapachankirinakax janiw jupar katuqkaspati, jupar jan uñjatapa, jan uñt'atap layku; ukampis jumanakax uñt'xapxtawa, jupasti jumanakampïskiwa, ukatsti jumanakampipunïniwa.

Juan 15:26

“Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 16:7

Ukampis kunatix chiqäki uk sapxsma: jumanakatakix nayan sarxañaxax askiwa. Nayatix jan sarkiristxa, janiw Chuymachirix jumanakar jutkaspati, ukampis nayatix saräxa, juparux khithanïwa.

Juan 20:21

Jesusasti wasitampiw jupanakar säna: —¡Sumankañax jumanakampïpan! Kunjämtix Awkix nayar khithankitu, ukhamarakiw jumanakar khithapxsma —sasa.

Juan 20:23

Jumanakatix mayninakan juchanakap pampachapxätaxa, Diosax jumanakar pampachapxarakïtamwa; janitix pampachapkätaxa, Diosax janirakiw pampachapkätamti —sasa.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

Hechos 10:47

Ukat Pedrox masinakapar säna: —Diosax Qullan Ajayu khithani yaqha markanakankir jaqinakan jakäwip sarayañataki, kamisatix jiwas judío jaqinakar khithanki ukhama. ¿Khitis jichhax jark'aspa aka jaqinakan bautismo katuqañapxa? —sasa.

Hechos 19:2

Ukatsti jupanakaruw jiskt'äna: —¿Tatitur iyawsapkta ukapachax, Qullan Ajayu katuqapxtati? —sasa. Jupanakasti sapxänwa: —Janiw nanakax Qullan Ajayut kunsa ist'apxirïkti —sasa.

Hechos 2:38

Pedrosti ukxaruw jupanakar säna: —Tatitur kutikipstapxam, Jesucriston sutipar sapa mayni bautismo katuqapxam, Diosan juchanakamat pampachañapataki, ukhamat jupax Qullan Ajayu churapxätam.

Hechos 2:4

Jupanakasti taqpachaniw Qullan Ajayump phuqt'at jikxatasipxäna, ukatsti yaqha arunakat parlañ qalltapxäna, Qullan Ajayux parlaykän ukhamarjama.

Hechos 4:8

Pedrosti Qullan Ajayun ch'amapamp phuqt'ataw jupanakar säna: —Marka apnaqir jilïrinaka, Israelankir jilïr jaqinaka,

Hechos 8:15

Samaria markar purisinsti, jupanakax Diosar iyawsir jaqinakan Qullan Ajayu katuqapxañapatakiw Tatitur mayipxäna.

Gálatas 3:2

Jichhax sapxitaya: ¿Moisesan kamachip phuqhatanakam laykuti Diosan Ajayup katuqapxtasti, jan ukax, suma yatiyäwir iyawsapxatam laykuch katuqapxtaxa?