Juan 20:17 - Qullan Arunaka DC

¹⁷ Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa.

Aymar Bibliia 1986

¹⁷ Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Qullan Arunaca

¹⁷ Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Juan 20:17 Jak'a apnaqawi uñst'ayäwi

2 Reyes 4:29

Ukat Eliseox Guehazí uywatapar säna: —Wakicht'asim, nayan thujrux apxarum, ukatsti kawkhankkitix wawax ukar saram. Thakhintix khitimpis jikisïta ukaxa, janiw aruntätati; jumar aruntirirusti janiw jaysätati. Purisasti, wawan ajanupxaruw nayan thujrux uchäta —sasa.

2 Reyes 7:9

Ukampis ukatxa, jupanakkamaw parlasipxäna, akham sasa: —Janiw wal lurktanti. Jichhürux suma yatiyäwi churañ uruwa. Jiwasatix amukïñänixa, qharürkamarak suyaskañänixa, juchañchataw uñjasiñäni. Jichhpach reyin utapar yatiyir sarapxañäni —sasa.

Salmos 22:22

22 (23) Nayasti jilanakaxaruw jumat yatiyä, tantachasïwinakapan yupaychäma.

Salmos 43:4

Diosay, nayax altaramaruw jak'achasï, arpampi chikaw yuspagaräma, Diosaxay, jumaw jakañaxarux kusisiytaxa.

Salmos 48:14

14 (15) “Akapï Tatit Diosasaxa” sasa. ¡Jupaw wiñay irpirisaxa!

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Salmos 89:26

26 (27) Jupax nayaruw art'asitani: ‘Jumaw Awkixätaxa, Diosaxätasa, jumaw qhispiyista, arxatarakista’ sasa.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 32:38

Jupanakax nayan markaxäniwa, nayasti jupanakan Diosaparakïyäwa.

Ezequiel 36:28

ukatsti nayra awkinakamar churata uraqin jakxapxäta, jumanakax nayan markaxäpxätawa, nayasti jumanakan Diosamarakïyäwa.

Ezequiel 37:27

Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Mateo 28:7

Jank'ak sarapxam, yatiqirinakapar yatiyanipxam: ‘Jiwatanak taypit jaktxiwa, jichhasti Galilearuw jupanakat nayra saraski. Ukan Jesusarux uñjapxani’ sasa. Nayasti uk jumanakar yatiyañ munapxsma —sasa.

Marcos 12:26

Jiwatanakan jaktañapatsti, ¿janit ullart'apkta Moisesan qillqatapanxa? Diosax nakhaskir ch'aphi taypit parläna: “Nayätwa Abrahaman, Isaacan, Jacobun Diosapaxa” sasa.

Marcos 16:19

Jupanakar parlatap qhipatsti, Tatit Jesusax alaxpachar aptatäxänwa. Jupasti Diosan kupïxaparuw qunt'asxäna.

Lucas 10:4

Jan apapxamti: qullqi wayaqa, manq'añanaka, wiskhunaka; thakhinsti janirak khitir aruntañatakis qhiparapxamti.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 14:2

Awkixan utapan walja utjäwinakaw utji, jan ukhamäkaspa ukasti, nayax janiw jumanakar sapkiriskasamänti, “mä uta jumanakatak wakichiriw saraskta” sasa.

Juan 14:28

Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 16:28

Nayax Awkixan jak'apat akapachar jutañatak mistunta; jichhasti Awkixan ukar kutt'xañatakiw akapach jaytawayxta” sasa.

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:5

Jichhax Awkixay, juman jak'aman kunjäm jach'a kankañanïkäyättix janïra akapacha utjkipana, uka pachpa jach'a kankañay churxita.

Juan 20:27

Ukatsti Tomasiruw säna: —Luk'anamamp amparanakax llamkt'am, ukat uñxatarakim; ukatsti amparamamp ch'illax llamkt'am. Jan pächasimti; jan ukasti, iyawsam —sasa.

Juan 7:33

Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

2 Corintios 6:18

nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

1 Pedro 1:3

Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.