Juan 19:30 - Qullan Arunaka DC

³⁰ Jesusasti uka k'allk'u vino mallt'äna, ukatsti sänwa: —Taqi kunaw phuqhata —sasa. Ukatsti p'iqip alt'asin jiwawayxäna.

Aymar Bibliia 1986

³⁰ Jesusajj uca c'allc'u vinwa umt'äna, ucatsti sänwa: —Take cunaw phokhasjje —sasa. Ucatsti p'ekep alt'asin jiwawayjjäna.

Qullan Arunaca

³⁰ Jesusajj uca c'allc'u vinwa umt'äna, ucatsti sänwa: —Take cunaw phokhasjje —sasa. Ucatsti p'ekep alt'asin jiwawayjjäna.

Juan 19:30 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Salmos 22:15

15 (16) mallq'axax q'ala wañkatatawa, laxraxas laka manqhan lip'katatawa, ¡jiwañ laq'ar puriyañkamaw jumax jaquntista!

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Isaías 53:12

Ukat Tatitux jach'a jilïrinak taypir utt'ayani, jach'a jilïri munañaninakampiw atipjäwin kusisini, jiwañar katuyasitapata, mä juchan jaqïkaspas ukham uñt'ayasitap layku, jaqinakan juchanakap laykuw jakañap apt'asiwayi, juchararanakatsa arxatasirakïnwa.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Daniel (hebreo) 9:26

Suxta tunka payani semanatsti, Tatitur katuyat uka jach'a jilïriruw jiwayapxani. Jerusalén markampi Tatitun utapampisti t'unjataw uñjasini, kawkïri reyitix jutkani ukan jaqinakapaw t'unjarakini. Tukuy urux uma jithir uñtataw akatjamat purinini, nuwasiñanakasa, t'unjañanakasa tukuykamäniwa, ukanakasti ukhamäñapatak yatiyatarakïnwa.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Mateo 27:50

Jesusasti wasitat jach'at art'asïna, ukat jiwawayxäna.

Mateo 3:15

Jesusasti ukxarux sarakïnwa: —Jichhax ukhamäpan sama, wakisiw Diosan munañap phuqhañasaxa —sasa. Ukat Juanax Jesusar bautisäna.

Marcos 15:37

Jesusasti jach'at art'asisaw tukusiwayxäna.

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Lucas 23:46

Jesusax jach'at art'asïna akham sasa: —¡Awkixay, amparamaruw ajayux katuyasxsma! —sasa. Uk arsusin jiwawayxäna.

Juan 10:11

Nayätwa suma awatirixa. Suma awatirix jakañap ovejanakap laykux apt'asi;

Juan 10:18

Janiw khitis jakañax apaqkituti, jan ukasti naya pachpaw munañaxat jakañax churta. Jakañax churañatakisa, wasitat katuqañatakis munañanïtwa. Uk lurañatakiw Awkixat katuqta.”

Juan 17:4

“Nayax aka uraqin jach'añchsmawa, kuntix lurañ churkista uk tukuyaraktwa.

Juan 19:28

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Romanos 3:25

Diosasti Criston wila wartatap tuqiw juchat pampachasiñ utjayi. Juchat pampachatäñsti iyawsäwi tuqikiw jikxatsna. Diosax ukham tuqiw aski jaqïtas uñacht'ayañ munäna: nayra pachan juchanak lurkäyätan uk pampachasa,

1 Corintios 5:7

Ukhamasti jumanakar jan walt'ayir nayra levadura jaqtapxam, ukhamat machaq masat lurat t'ant'aru uñtatäpxañamataki. Chiqpachansa jumanakax Pascua urunakan manq'añäkis uka jan levaduran t'ant'jamäpxtawa. Cristow jiwasan Pascua Corderosaxa, jupax jiwasanak laykuw jiwawayi.

Filipenses 2:8

jaqjamasti, jupa kipkaw jisk'ar tukuwayäna, jiwañapkamaw Diosar jaysäna; cruzan jiwañkamaw jaysäna.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.