Juan 19:17 - Qullan Arunaka DC

¹⁷ Jesusasti cruzap q'ipt'ataw Calavera sat chiqar sarañatak mistuwayäna, hebreo arunxa, Gólgota satawa.

Aymar Bibliia 1986

¹⁷ Jesusasti mistuwayänwa crusap apt'ata, Calavera sat chekar sarañataqui, hebreo arunjja Gólgota satawa.

Qullan Arunaca

¹⁷ Jesusasti mistuwayänwa crusap apt'ata, Calavera sat chekar sarañataqui, hebreo arunjja Gólgota satawa.

Juan 19:17 Jak'a apnaqawi uñst'ayäwi

Génesis 22:6

Abrahamasti phäña aptasin Isaac wawaparuw q'ipxaruyäna; jupasti cuchillompi, ninampi apxarurakïna, ukatsti panpachaniw sarawayapxäna.

1 Reyes 21:13

Ukxarusti pani k'ari jaqinakaw purinïna, ukatsti taqi jaqinak nayraqatan Nabot chachar irkatapxäna: “Nabot chachax Diosampiru, reyimpiruw ñanqhachi” sasa. Ukatsti ukspachaw Nabot chacharux markat irpsusin qalampi k'upjaskam jiwayapxäna.

Levítico 24:14

“Kawkïr jaqitix nayar ñanqhachkitu ukarux campamentot anqäxar irpsupxam, khitinakatix nayar ukham ñanqhachatap ist'apkäna ukanakasti amparanakap uka ñanqhachir jaqin p'iqipxar luqxatapxpan, ukatsti uka jaqirux qalampi k'upjas jiwayapxpan.

Mateo 10:38

khititix cruzap jan q'ipxarus nayar arkkitu ukax, janiw nayatakjamäkiti.

Mateo 16:24

Jesusasti yatiqirinakaparux sarakïnwa: —Maynitix nayar arkañ munchituxa, jupa kipkat armt'aspan, cruzap q'ipxarpan, ukatsti nayar arkitpan.

Mateo 27:37

P'iqip patxarusti, kunattix ukham juchañchatäkän uk qhanañchañatakiw mä qillqat uchapxäna, uka qillqatasti akham sänwa: “Akax Jesusawa, judeankirinakan Reyipa” sasa.

Marcos 10:21

Jesusasti juparux munasiñampiw uñkatäna, ukatsti sarakïnwa: —May jan phuqktati: Saram, taqi utjirinakam aljaram, ukatsti jan kunaninakar churam. Ukhamat alaxpachan juman imasitamax waljäni. Ukatsti jutam, ukat nayar arkita —sasa.

Marcos 15:26

Qillqata uchapkäna, ukasti sänwa: “Akax judionakan Reyipawa” sasa, ukxat jupar juchañchapxatap layku.

Marcos 15:32

¡Israelan Reyip Cristox cruzat saraqanpan, uk uñjasin jupar iyawsañäni! —sasa. Jupamp chik ch'akkatatäpkän ukanakas ukhamarakiw tuqipxäna.

Marcos 8:34

Ukatsti Jesusax yatiqirinakapampiru, jaqinakampiru jawsasin sarakïna: —Maynitix nayan yatiqirixäñ munchixa, jupa kipkat armt'aspan, cruzap q'ipxarus nayar arkitpan.

Lucas 14:27

Khititix nayar arkasin cruzap jan apañ munkchi ukax janiw nayan yatiqirixäkaspati.

Lucas 23:26

Jesusar ch'akkatir irpapkän ukapachasti, Cirenenkir Simón jaqiruw yaput jutaskirir katuntapxäna, ukat juparux cruz q'ipxaruyapxäna Jesusan qhipap apañapataki.

Lucas 23:33

Kunapachatix Calavera sat chiqar puripkän ukkhaxa, Jesusarux pä lunthatamp chik ch'akkatapxäna, maynirux kupïxaparu, maynirusti ch'iqäxaparuraki.

Lucas 23:38

P'iqip patxansti mä qillqataw utjäna, “Akax Judionakan Reyipawa” —sänwa.

Lucas 9:23

Ukxarusti taqiniruw sarakïna: —Maynitix nayar arkañ munchituxa, jupa kipkat armt'aspan, cruzap apt'at sapür arkitpan.

Juan 19:13

Pilatosti uk ist'asinxa, Jesusaruw irpsuyanïna, jupasti taripañ chiqaruw qunt'asïna, uka chiqasti Gabatá satänwa, hebreo arunxa, Qalampi Suk'suta sañ muni.

Juan 5:2

Jerusalén markana, “Ovej uyu punku” sat jak'an mä uma püñaw utji phisqa jach'a punkuni, ukasti hebreo arunxa Betzatá satawa.

Hechos 7:58

Ukatsti markat anqäxar qatatsusin qalampiw k'upjapxäna; k'arisis jupar irkatapkatayna uka jaqinakasti, isinakap thatsusisin mä waynaruw katuyapxäna, uka waynasti Saulo sutinïnwa.