Juan 18:33 - Qullan Arunaka DC

³³ Pilatosti wasitatampiw utapar mantäna, ukat Jesusar jawsasin jiskt'äna: —¿Jumax judionakan Reyipätati? —sasa.

Aymar Bibliia 1986

³³ Pilatojj wasitampiw palacior mantasin Jesusaru jawsäna ucatsti jisct'änwa: —¿Jumati judionacan Reyipätajja? —sasa.

Qullan Arunaca

³³ Pilatojj wasitampiw palacior mantasin Jesusaru jawsäna ucatsti jisct'änwa: —¿Jumati judionacan Reyipätajja? —sasa.

Juan 18:33 Jak'a apnaqawi uñst'ayäwi

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Sofonías 3:15

Tatituw juchanakamat mutuyatäñxa apaqtam, uñisirinakamarus jaqunukurakiwa. Israel markan Reyipa Tatituw, juma taypinkaski; janiw kunat axsarañamas utjañapäkxiti.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Mateo 27:11

Ukatsti Jesusax marka apnaqirin nayraqatapar irpatänwa, marka apnaqiristi jiskt'arakïnwa: —¿Jumätati judionakan reyipaxa? —sasa. Jesusasti sarakïnwa: —Jumaw sasktaxa —sasa.

Mateo 27:27

Marka apnaqirin soldadonakapasti reyin utap anqäxaparuw Jesusarux irpapxäna, ukansti taqpach soldadonakaruw jupan jak'aparu jawsthapipxäna.

Marcos 15:2

Pilatosti Jesusarux jiskt'änwa: —¿Chiqat jumax judionakan reyipätaxa? —sasa. Jesusasti ukxarux sänwa: —Jïsa, ukhamapunïskiwa, jumaw sasktaxa —sasa.

Lucas 23:2

Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 12:13

Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.

Juan 12:15

“Sión marka, jan axsaramti; uñtam, Reyimaw jutaski, mä asnor lat'xatataw jutaski.”

Juan 18:34

Jesusasti yaqha jiskt'ampiw arusxatäna: —¿Jumakit uk jiskt'ista, jan ukax khitich nayxat uk sistamxa? —sasa.

Juan 18:37

Ukatsti Pilatox Jesusar jiskt'änwa: —¿Ukhamasti jumax Reyïtati? —sasa. Jesusasti sänwa: —Jumaw nayan Reyïtax arsusktaxa. Nayax ukatakiw yurta, kunatix chiqäki uk yatiyiriw akapachar jutta. Taqi khitinakatix chiqan sarnaqki ukanakax nayan arux ist'apxi —sasa.

Juan 18:38

Pilatox ukxarux sarakïnwa: —¿Kunarak chiqasti? —sasa. Uk arsusinsti, Pilatox wasitat mistuwayasin judionakar parläna, jupanakarusti sarakïnwa: —Janiw nayax aka jaqin kuna jucha luratapsa jikxatkti.

Juan 19:12

Pilatosti ukapachatpach Jesusar antutañ munäna; ukampis judionakax jach'at art'apxäna: —¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.

Juan 19:3

Ukatsti jupar jak'achasisin sapxarakïna: —¡Jallalla judionakan Reyipa! —sasa. Ukatsti ajanut nuwantapxäna.

Juan 19:4

Pilatosti wasitampiw mistunïna, ukat jupanakar sarakïna: —Janiw nayax kuna juchsa aka jaqin jikxatkti; uk yatipxañamatakiw irpsunta —sasa.

Juan 19:9

Taripäwi chiqar wasitat mantasinsti, Jesusaruw jiskt'äna: —¿Kawkinkirïtas jumaxa? —sasa. Jesusasti janiw kuns arskänti.

1 Timoteo 6:13

Jichhasti taqi kunar jakañ churir Diosan nayraqatapan sisma, Poncio Pilaton nayraqatapan aski luräwit arsur Jesucriston nayraqatapan saraksma,