Juan 18:17 - Qullan Arunaka DC

¹⁷ Punku uñjir warmisti Pedroruw jiskt'äna: —¿Janit jumax aka jaqin maynïr yatiqiripäktasti? —sasa. Pedrosti sänwa: —Janiwa, janiw ukäkti —sasa.

Aymar Bibliia 1986

¹⁷ Ucat punc uñjirejj Pedrorojj jisct'äna: —¿Janit jumajj aca chachan maynïri discipulopäcta? —sasa. Pedrosti sänwa: —Janiway, janiw nayäcti —sasa.

Qullan Arunaca

¹⁷ Ucat punc uñjirejj Pedrorojj jisct'äna: —¿Janit jumajj aca chachan maynïri discipulopäcta? —sasa. Pedrosti sänwa: —Janiway, janiw nayäcti —sasa.

Juan 18:17 Jak'a apnaqawi uñst'ayäwi

Mateo 26:33

Pedrosti Jesusarux akham sänwa: —Taqpachanis jumarux jaytanukusipkpan, janipuniw nayax kunäkipansa jaytanukkämati —sasa.

Lucas 22:54

Jesusar katuntasinsti, sacerdotenakan jilïripan utaparuw irpapxäna. Pedrosti jayatak jupanakar arkäna.

Juan 18:16

Pedrosti uta punku anqäxarukiw qhiparäna. Ukat sacerdotenakan jilïripan uñt'at yatiqiripax mistunisin uta uñjir warmimpi parläna, ukat Pedror irpantäna.

Juan 18:25

Ukchañkamasti, Pedrox nina jak'an junt'uchasiskäna; ukat juparux jiskt'apxäna: —¿Janit jumax uka chachan maynïr yatiqiripäktasti? —sasa. Pedrosti jan uñt'iriw tuküna, sarakïnwa: —Janiw ukäkti —sasa.

Juan 18:5

Jupanakasti sapxänwa: —Nazaretankir Jesusaruw thaqhapxta —sasa. Jesusasti jupanakarux sänwa: —Nayätwa —sasa. Aljantir Judasasti jupanakampïnwa.

Juan 18:8

Ukatsti Jesusax sänwa: —Niy sapxsmawa: “Nayätwa” sasa. Nayar thaqhapxchista ukax, arkirinakaxar khithanukxapxam —sasa.

Juan 21:15

Manq'añ tukuyatatsti, Jesusax Simón Pedroruw jiskt'äna: —Simón, Juanan yuqapa, ¿jupanakat sipan juk'ampit munasista? —sasa. Pedrosti juparux sänwa: —Jïsa, Tatay, jumaw nayan jumar munasitax yattaxa —sasa. Jesusasti juparux sänwa: —Ukhamax ovejanakaxar awatim —sasa.

Hechos 12:13

Pedrosti uta punkur purisinxa, punkut liqt'äna, ukatsti Rode sutin tawaquw mistunïna, khitïpachas uk uñjiri.