Juan 17:15 - Qullan Arunaka DC

¹⁵ Janiw akapachat jupanakar apsuñamatak mayksmati, jan ukasti Supayat imañamatakiw maysma.

Aymar Bibliia 1986

¹⁵ Janiw maycsmati acapachat apsuñamataqui, jan ucasti maysmawa Supayat imañamataqui.

Qullan Arunaca

¹⁵ Janiw maycsmati acapachat apsuñamataqui, jan ucasti maysmawa Supayat imañamataqui.

Juan 17:15 Jak'a apnaqawi uñst'ayäwi

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

1 Crónicas 4:10

Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.

Salmos 121:7

Tatituw taqi jan walt'añanakat imasktam; jupaw jakañam imaski;

Salmos 30:9

9 (10) ¿Kunarak jiwataxamp jikxatasmasti?, ¿kunarak amay imäwir mantataxamp apsusmasti? ¡Jiwatanakax janiw yuspagarkiristamti, janirakiw aski kankañamatsa parlapkaspati!

Eclesiastés 9:10

Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Isaías 57:1

Aski jaqinakax jiwarawayxiwa, janiw khitis llakt'askiti; suma jaqinakas jiwarawayxiwa, janirakiw khitis ukham jiwatanakapampix, ñanqhat qhispipxatap amuykiti.

Mateo 5:37

Jumanakan arsuñamax akakïñapawa, ‘Jïsa’, jan ukax ‘janiwa’ sasa. Ukat juk'amp yaqha arux supayat jutiriwa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Lucas 11:4

Juchanakaxat pampachapxita, kunjämatix nanakax jan wali lurapkitus ukanakar pampachapkta ukhama. Janirak yant'äwir puriyapxistati’ —sasa.

Lucas 22:32

ukampis nayaw jumatakix mayta iyawsañaman jan pist'añapataki. Jumasti, kunapachatix nayan ukar kuttanxät ukkhaxa, jilanakaman jan mayjt'asiñapatak jupanakar ch'amañcht'am —sasa.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

2 Tesalonicenses 3:3

Ukampis Tatitux phuqhiriwa, jupasti ch'amañchapxätamwa, taqi ñanqhatsa imapxarakïtamwa.

2 Timoteo 4:8

Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.

1 Juan 5:18

Khititix Diosat Awkinïki ukax, juchan jan sarnaqxatap yattan, Diosan Jesucristo Yuqapaw juparux imi, supayasti janiw jupar llamkt'kiti.

1 Juan 5:19

Jiwasax Diosankatas yattan, taqi akapachankirix supayan apnaqatawa.