Juan 16:33 - Qullan Arunaka DC

³³ Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Aymar Bibliia 1986

³³ Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Qullan Arunaca

³³ Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Juan 16:33 Jak'a apnaqawi uñst'ayäwi

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Miqueas 5:5

5 (4) Jupaw sumankañ apanini. Kunapachatix Asiriankir jaqinakax markasar mantanipkani, marka apnaqirinakan utaparus mantapkani ukkhaxa, jupanakar saykatañatakix paqallqu jilïrinaka, kimsaqallqu wali aytat jaqinakampi khithañäni.

Mateo 9:2

Ukansti, mä suchu jaqiruw ikiñar kallanipxäna; Jesusasti jupanakan iyawsañap unjasinxa, suchu jaqirux sänwa: —Waway, ch'amañcht'asim, juchanakamax pampachatäxiwa —sasa.

Lucas 19:38

Sapxarakïnwa: —¡Tatitun sutipar jutir Reyix jallallatäpan! ¡Alaxpachan sumankañax utjpan, taqinis Diosan ch'amanïtap yatipxpan! —sasa.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 12:31

Jichhapï akapachax taripatänixa, jichharakiw akapach apnaqiris jaqunukutänixa.

Juan 14:1

Uka qhipatsti Jesusax yatiqirinakapar saskakïnwa: —Jumanakax jan llakisipxamti. Diosar iyawsapxam, nayarus iyawsapxarakita.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Juan 16:11

¿khitirak Diosan taripäwip katuqanisti? Khititix akapach apnaqki ukawa, jupasti niya juchañchatäxiwa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Hechos 23:11

Uka qhipa arumasti Tatituw Pablorux uñstäna, ukat jupar sarakïna: “Ch'amañcht'asim, Pablo, kunjämtix aka Jerusalén markan nayat arstaxa, ukhamarakiw Roma markan arsuñamax wakisini” sasa.

Hechos 27:22

Ukampis jichhax jan llakisipxamti, janiw maynis jiwkañäniti, barcok apt'awayxañäni.

Hechos 27:25

Ukhamasti tatanaka, ch'amañchasipxam, Diosan iyawsañaxaw nayan utji, angelax siskitu ukhamarjamaw phuqhasini.

Hechos 9:31

Ukapachasti jach'a samarañaw iglesianakan utjxäna, Judeana, Galileana, Samaria uksa tuqinakana. Jupanakasti wali ch'amaniw tukxapxäna. Tatitur axsarasaw sarnaqapxäna, Qullan Ajayun ch'amapampisti, waljaniptapxarakïnwa.

2 Corintios 1:3

Jesucristo Tatitusan Dios Awkipax jach'añchatäpan, jupax khuyapayir Awkisawa, jiwasar chuymachir Diosarakiwa.

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

2 Corintios 6:4

Ukat sipana, taqi kunan nanakax Diosan irnaqiripäpxatax uñacht'ayapxta, wali llamp'u chuymampiw t'aqhisipxta, pist'ayasiñanakana, jan walt'añanakansa.

2 Corintios 7:4

Jumanakar qhana arumpi arsuñaxaw utjitu, wali kusisiñaw jumanakat utjarakitu. Taqi t'aqhisiñanakax taypinsti, ch'amañchataw uñjasta, kusisiñan phuqt'ataw uñjasirakta.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 6:14

Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Filipenses 4:7

Ukkhakiw Diosax jumanakarux samarañap churapxätam, uka samarañapasti jaqitakix jan amuyt'kayawa; uka samarañarakiw jumanakan chuymanakama, amuyunakamsa imani Cristonkapxatam layku.

Colosenses 1:20

ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.

1 Tesalonicenses 3:4

Ukhamarus kunapachatix jumanakampïskäyät ukkhaxa, llakisiñanakaw utjistani sasax sapxäyäsmawa; ukasti phuqhasiwa, uksti niy yatxapxtawa.

1 Tesalonicenses 3:7

Jilatanaka, jan walt'añanakaxana, llakisiñanakaxana, nanakax wali chuymachasïwi katuqapxta, jumanakan iyawsäwin ch'aman sayt'apxatam yatisina.

2 Tesalonicenses 3:16

Pachpa sumankañan Tatitux jumanakar sumankañ churpan, taqi pachana, kunayman tuqita. Tatitux taqi jumanakampïpan.

2 Timoteo 3:12

Cristo Jesusar katuyat jakañ munapki ukanakax ukham t'aqhisiyatäpxaniwa;

Hebreos 11:25

jan ukasti Diosan markapamp chika uñisitäñ munäna, mä juk'a urunak juchan kusist'añanakat sipansa.

Hebreos 7:2

Abrahamasti nuwasïwit apaqankatayna ukanakat sapa tunkat maya churäna. Melquisedec sutix “Chiqapar uñjir reyi” sañ muni, ukampis Salem markan reyipat uñt'atarakïnwa, ukasti “Sumankayir reyi” sañ munaraki.

1 Pedro 5:9

Iyawsañanakaman uka supayatakix wal sayt'asipxam, maynïri jumanakjam Cristor arkirinakan taqi chiqan t'aqhisitanakapsa yatipxtawa.

1 Juan 2:13

Awkinaka, taykanaka, qalltatpach utjkän ukar uñt'apxatam laykuw jumanakar qillqanipxsma. Waynanaka, Supayar atipt'apxatam laykuw jumanakar qillqanipxsma.

1 Juan 4:4

Wawanaka, jumanakax Diosankirïpxtawa, uka k'ari profetanakarus atipjapxtawa; khititix jumanakampïki ukax akapachankki ukat sipan juk'ampi ch'amaniwa.

1 Juan 5:4

khitinakatix Diosan wawapäpki ukanakax akapacharuw atipji. Iyawsañasasti akapacharuw atipt'ayistu.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.

Jueces 3:2

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.