Juan 15:25 - Qullan Arunaka DC

²⁵ Ukampis ukax phuqhasiskiwa, kunjämatix kamachin qillqatäki ukarjama: ‘Aliqatak uñisipxitu’ sasa.

Aymar Bibliia 1986

²⁵ Ucampis acanacajj pasañapapuniwa, jupanacan ley kellkatanacapan: “Alekat uñisipjjetu” sisqui uca arunacajj phokhasiñapataqui.

Qullan Arunaca

²⁵ Ucampis acanacajj pasañapapuniwa, jupanacan ley kellkatanacapan: ‘Alekat uñisipjjetu’ sisqui uca arunacajj phokhasiñapataqui.

Juan 15:25 Jak'a apnaqawi uñst'ayäwi

Salmos 109:3

Uñisisiñ arunakampiw muyuntayapxitu, ¡ina ch'usat nayatak sayt'apxi!

Salmos 35:19

Uñisirinakaxax janikiy nayat larusipxitpati; uñisirinakaxax janikiy ina ch'usat nayranakapsa ch'irmisipxpati.

Salmos 69:4

4 (5) Ina ch'usat uñisirinakaxax ñik'utanakaxat sipansa juk'amp jilawa; ina ch'usat nayar uñisipxitu, jiwayañpun munapxitu; jan lunthataskta ukanak kutiyañatakiw wayt'apxitu.

Salmos 7:4

4 (5) ¿Uñt'at jaqi masixar ñanqha lurataxach utji? ¿Jan ukax uñisirixaruch jan kunat t'aqhisiytxa?

Mateo 10:8

Usutanakar k'umaraptayapxam, jiwatanakar jaktayapxam, lepra usuninakar q'umachapxam, ñanqha ajayunakarus alissupxarakim. Ukanak lurañatakisti, inakiw ch'am katuqapxtaxa, inakirak churanipxam.

Lucas 24:44

Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Juan 10:34

Jesusasti jupanakarux sarakïnwa: —Jumanakan kamachiman qillqatawa: “Jumanakax diosanakäpxtawa” sasa.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Juan 19:36

Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Romanos 3:24

Ukampis Diosax munasiñapan ina ch'usat aski jaqir tukt'ayistu, Cristo Jesusan qhispiyasiñap tuqi.

2 Corintios 11:7

Criston suma yatiyäwi arunakap jan kun mayisak yatiyapksma, nayapach jisk'ar tukus jumanakan jach'ar aptatäpxañamataki, ¿ukati jan walïkisti?

Gálatas 2:21

Janiw Diosan khuyapayasiñap apanukuñ munkti; kamachinakar ist'atas laykukitix Tatitux katuqistaspaxa, janiw kunatakis Criston jiwatapax askïkaspati.

2 Tesalonicenses 3:8

Janirakiw khitin manq'apsa inak manq'apkti, jan ukasti uruy arumaw ch'am tukupxta, jumanakatak jan llakïskañataki.

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.