Juan 14:18 - Qullan Arunaka DC

¹⁸ “Janiw nayax jumanakar wajcha jaytapkämati, jumanakampïñatakix kutt'anïwa.

Aymar Bibliia 1986

¹⁸ “Janiw wajcha jaytapcämäti, nayajj cutt'anïwa jumanacampïscañataqui.

Qullan Arunaca

¹⁸ “Janiw wajcha jaytapcämäti, nayajj cutt'anïwa jumanacampïscañataqui.

Juan 14:18 Jak'a apnaqawi uñst'ayäwi

Salmos 101:2

chiqap jakañpun munta. ¿Kunapacharak nayar tumpitätasti? Utaxanxa, sarnaqäwixax jan kamskayäniwa;

Salmos 23:4

Axsarkay laxa ch'amak chiqawja sarkasasa, janipuniw kunarus axsarkäti, nayampi chik saratam layku; uywa awatiñ lawamasa, thujrumasa, ch'am churitu.

Isaías 43:1

Jichhasti Israel, Jacobun markapa, jumar uywiri Tatitux sistamwa: “Jan axsaramti, nayaw qhispiysma, nayaw sutimat jawssma, jumax nayanktawa.

Isaías 51:12

Tatitusti siwa: Naya, naya kipkaw jumarux ch'amachsma. ¿Jaqinakaruti axsarta? Uka jiwir jaqinakax qurar uñtataw tukusipxani.

Lamentaciones 5:3

Jan awkini wajchaw qhiparapxta; taykanakaxasti ijma warminakaw qhiparxapxi.

Oseas 14:3

3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Mateo 18:20

Kawkhantix paninisa, kimsanisa sutixaru tantachasixa, nayax jupanak taypinktwa” sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Juan 14:16

Nayasti Awkiruw achikt'ä, jumanakar Qullan Ajayu khithaniñapataki, jupaw wiñayatak jumanakampïskani. Akapachankirinakax janiw jupar katuqkaspati, jupar jan uñjatapa, jan uñt'atap layku; ukampis jumanakax uñt'xapxtawa, jupasti jumanakampïskiwa, ukatsti jumanakampipunïniwa.

Juan 14:3

Sarxatax qhipatsti, jumanakatakiw mä uta wakichä; ukatsti jumanak irptiriw wasitat jutä; nayax utjaskä ukawjan utjasipxañamataki.

Juan 16:16

“Akat mä qawqha urunakatxa, janiw uñjkxapxitätati, ukampis uka qhipat wasitat uñjxapxarakitäta.”

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

Hebreos 2:18

Jupa pachpa t'aqhisisaw yant'at uñjasïna, jichhasti khitinakatix yant'ar puripki ukanakaruw yanapt'arakispa.