Juan 13:27 - Qullan Arunaka DC

²⁷ Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa: —Kuntix lurañamäki uk jank'ak luram —sasa.

Aymar Bibliia 1986

²⁷ Judasan uca t'ant'a catokatapatsti, Supayajj mäquiw chuymapar mantäna. Ucat Jesusajj saraquïna: —Cuntejj lurañamäqui ucjja, janc'ac luram —sasa.

Qullan Arunaca

²⁷ Judasan uca t'ant'a catokatapatsti, Supayajj mäquiw chuymapar mantäna. Ucat Jesusajj saraquïna: —Cuntejj lurañamäqui ucjja, janc'ac luram —sasa.

Juan 13:27 Jak'a apnaqawi uñst'ayäwi

1 Reyes 18:27

Chika urüxäna ukkhasti, Eliasax jupanakat sawkasisin säna: —Jach'at art'apxam, jupax diosächixaya. Inas kunanaksa lup'iskchi, jan ukax kuna lurañanakap luraskchi, jan ukax kawki saraskchi. ¡Inas ikiskarakchi, ukatxa sartayañ wakischi! —sasa.

Salmos 109:6

Ñanqha lurir jaqiruy taripiripatak ucham, pachpa arxatiripax juchañchpan;

Proverbios 1:16

Jupanakax jank'akiw ñanqha lurañ munapxi; ¡masinakaparus jank'akiw jiwayañ munapxaraki!

Eclesiastés 9:3

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Daniel (hebreo) 2:15

Danielasti juparux akham jiskt'äna: —¿Kunatarak reyisti uka yatiñan jaqinakar jank'ak jiwarayañatak amtisti? —sasa. Arioc jaqisti ukxat qhanañcharakïna.

Mateo 12:45

Ukatsti jupax jupat juk'ampi yaqha paqallqu ñanqha ajayunak tantachi, jupanakamp chikaw uka jaqin chuymapar mantasin ukan jakapxi, uka jaqin sarnaqäwipasti nayra jakañapat sipan juk'ampi jan walïxiwa. Uka kipkaw aka jan wali jaqinakampix lurasirakini”.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Marcos 6:25

Tawaqusti reyin ukar mantasin sänwa: —Bautisiri Juanan p'iqip jichhpach mä plator churita —sasa.

Lucas 22:3

Ukapachaw supayax Judas Iscarioten chuymapar mantäna, jupasti tunka payan yatiqirinakat maynïrïnwa.

Juan 13:2

Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.

Juan 13:28

Ukan manq'irinakasti, janiw kunat uk arsutapsa amuyapkänti.

Juan 6:70

Jesusasti jupanakarux sarakïnwa: —Nayaw jumanak tunka payanir ajllipxsma, ukampis jumanakat maynïrix supayawa —sasa.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?