Juan 12:48 - Qullan Arunaka DC

⁴⁸ Khititix nayar jisk'achkitu, ukatsti janirak arunakaxarjam lurki ukatakixa, niyaw juchañchiripax utjxi; kawkïr arunaktix nayax arskta ukanakaw qhipa urun jupar juchañchaskani.

Aymar Bibliia 1986

⁴⁸ Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Qullan Arunaca

⁴⁸ Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Juan 12:48 Jak'a apnaqawi uñst'ayäwi

Isaías 53:3

taqiniw juparux jisk'achjapxäna, apanukupxarakïna. Usuyasiñapampis wal t'aqhisïna, ukham t'aqhisiñatakis wakicht'atarakïnwa. Taqinis jupar ukham uñjañ janiw munapktanti; jisk'achapxtanwa, janirakiw juparux yäqapktanti.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Mateo 21:42

Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.

Mateo 25:31

“Kunapachatix Jaqin Yuqapax munañan kankañampi, taqpach angelanakapampi jutkan ukapachax, qhapaq qunuñaparuw qunt'asini.

Marcos 12:10

Jesusasti saskakïnwa: “¿Janit jumanakax Diosan Arunakap ullarapkta?: ‘Utachirinakan jisk'achat qalax suma qalat uchatäxiwa.

Marcos 16:16

Khititix iyawskani, bautisaskarakini ukax qhispiyatäniwa, jan iyawsiristi, juchañchatäniwa.

Marcos 8:31

Ukxarusti Jesusax yatiqirinakaparuw yatiyañ qalltäna, sarakïnwa: “Naya, Jaqin Yuqapax walpun t'aqhisï. Jilïr jaqinakampi, jilïr sacerdotenakampi, kamachi yatichirinakampiw nayatak sayt'asipxani. Jiwayapxitaniwa, ukampis kimsürut jaktanxä” sasa.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 17:25

Ukampis nayraqatax wakisiw t'aqhisiñapa, ukhamarak jichha pacha jaqinakan uñisitäñapa.

Lucas 20:17

Jesusasti jupanakar uñkatasin sarakïna: —Ukhamasti ¿kun sañarak muni, Qillqatanakan siski ukanakasti?: ‘Utachirinakan apanukut qalaxa, munat aski qalaruw tukuwayxi.’

Lucas 7:30

ukampis fariseonakampi, kamachi yatichirinakampix, janiw Juanampix bautisayasipkänti; uk lurasasti, Diosax jupanakatak lurañ munkän uk jisk'achapxäna.

Lucas 9:22

Ukat sarakïna: —Jaqin Yuqapax wali t'aqhisiñapäniwa; jilïr jaqinakana, sacerdotenakan jilïrinakapana, kamachi yatichirinakan jisk'achatäniwa. Juparux jiwayapxaniwa, ukampis kimsürut jaktani —sasa.

Lucas 9:26

Ukampis maynitix nayata, arunakaxatsa p'inqaskani ukaxa, Jaqin Yuqapax jupat p'inqasirakiniwa kunapachatix jupax qhapaq kankañampi, Awkipan jach'a kankañapampi, qullan angelanakamp jutkani ukkhaxa.

Juan 11:24

Martasti sarakïnwa: —Jïsa, jiwatanakan qhipa urun jaktañapxa yattwa —sasa.

Juan 5:45

Jan amuyapxamti; nayas Awkixan nayraqatapan juchañchapkirisma ukhama; khititix juchañchapktam ukax pachpa Moisesawa, jumanakax juparuw alkatasipxtaxa.

Juan 6:39

Khithankitu ukan munañapasti akawa: Jupax katuykitu ukanakatxa, janiw maynirus chhaqhayañaxäkiti, jan ukasti tukuy urun jiwatat jaktayañaxawa.

Juan 8:47

Khititix Diosankirïki ukax, Diosan arunakap ist'i; ukampis jumanakax janiw Diosankirïpktati, ukatpï Diosan arup jan ist'añ munapktatixa —sasa.

Hechos 17:31

Diosax mä uru wakichxi, uküruw chiqa kankañampi akapachar taripani, jupan ajllisit mä chacha tuqi. Uka jaqin chiqätapxa, jupar jiwatat jaktaykän ukapachaw taqi jaqinakar qhanpach yatiyi” —sasa.

Hechos 3:23

uka profetar jan ist'irinakasti Israel markat apanukutaw uñjasini” sasa.

Romanos 2:16

kunürutix Diosax taqinin jamasan luratanakap taripkan ukapacha, Cristo Jesús tuqi, nayax Diosan suma yatiyäwi arunakap yatiykta ukarjama.

2 Corintios 4:3

Diosan suma yatiyäwi arunakap parlapksma ukanakatix mä velompjam imt'ata jan qhanäkchixa, khitinakatix chhaqhañar sarapki ukanakatakikiw ukhamäski.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Hebreos 10:25

Janipun tantachasïwinakasar sarañ armasiñäniti, kunjämtix yaqhipanakax armasipki ukhama, jan ukasti, maynit maynikam ch'amañchasipxañäni; Tatitun urup jak'ankatap yatisina.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Hebreos 4:12

Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

2 Pedro 3:3

Nayraqatax ak amuyt'asipxam: Qhipa urunakan jan wali jaqinakaw sartapxani, jan wali amtataparjamaw sarnaqapxani, jumanakat phiskasisasti,

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.

1 Samuel 10:19

Ukampis jichhax jumanakax Diosamarux jisk'achapxtawa, jupaw taqi jan walt'añanakatsa, llakisiñanakatsa qhispiyanipxtam, mä rey jumanakar apnaqañapataki mayisasti Diosaruw apanukupxtaxa. Uka layku, jichhax Tatitun nayraqatapar uñstapxam, ayllunakatkama, wila masi tamanakatkama —sasa.

1 Samuel 8:7

Tatitusti juparux sänwa: “Kuntix markax mayktam ukarux jaysaskakim, ukampix janiw jumaruti jisk'achapktamxa, jan ukasti nayaruw jisk'achasipkitu, jupanakax janiw nayan apnaqatäñ munapkiti.