Juan 11:25 - Qullan Arunaka DC

²⁵ Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;

Aymar Bibliia 1986

²⁵ Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.

Qullan Arunaca

²⁵ Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.

Juan 11:25 Jak'a apnaqawi uñst'ayäwi

Salmos 36:9

9 (10) juman jakkir umax utji, qhanamasti qhan uñjayapxitu.

Isaías 26:19

Ukampisa juman markamäpxtwa, t'unjat uñjasitäpkta ukasa, wasitat jakatatasipkakïwa. Jumaw jakañampi, kusisiñampi aka jiwat markarux phuqhantäta.

Isaías 38:16

Khitinakarutix Tatitux arxatki ukanakax jakapxaniwa, taqi jupanakampiw nayax jakarakï. Jumaw nayarux qullt'asista, jakañsa kutt'ayxarakista.

Lucas 23:43

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Juan 1:4

Jakañax jupan utjäna, uka jakañasti jaqin qhanapänwa.

Juan 14:19

Mä juk'ampjarux akapachankirinakax janiw juk'amp uñjkxapxitaniti; ukampis jumanakax uñjasipkitätawa, nayan jakaskatax laykux jumanakax jakasipkätawa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 5:21

Kunjämtix Awkix jiwatanakar jakañ churas jaktaykixa, ukhamarakiw Yuqapax khitinakarutix munki ukanakarux jakañ churaraki.

Juan 5:26

Kunjämatix Awkix jupa pachpa jakañanixa, uka pachparakiw Yuqaparux pachpa jakañanïñap churi,

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

Juan 6:44

Janiw khitis nayar jutkaspati, janitix khithankitu uka Awkix irpankaspa ukaxa; nayasti qhipa urun jakatatayä.

Hechos 3:15

Ukham jumanakax jakañ churirirux jiwayapxtaxa. Ukampis Diosaw juparux jiwatanak taypit jaktayi, uksti nanakaw uñjapxta.

Romanos 4:17

kamisatix Qillqatan siski: “Nayax walja markanakan awkiparuw tukuyäma” sasa. Abrahamax uka Diosaruw iyawsäna, jiwatanakar jakañ churir Diosaru, kunatix jan utjki uk utjayir Diosaru.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 15:18

Ukhamächi ukasti, khitinakatix Cristor iyawsas jiwapki ukanakax chhaqtatäsipkiwa.

1 Corintios 15:29

Mä tuqitxa, yaqhipanakax jiwatanak lantiw bautismo katuqapxi, ¿kunatakirak uk lurapxisti? Jiwatanakax jan jaktkchini ukasti, ¿kunatakirak jiwatanak lanti bautismo katuqapxisti?

2 Corintios 4:14

Diosan Jesucristo Tatitur jiwatat jaktayatap yatipxtanwa, ukhamarakiw jiwasarux Jesusamp chika jaktayistani, jumanakampi chikarakiw jupan nayraqataparux irpxistani.

Filipenses 3:10

Nayax Cristorukiw uñt'añ munta, jakatatäwipan ch'amap katuqañ munta, jupjam t'aqhisiñ munta; jupjam jiwañ munta,

1 Tesalonicenses 4:14

Kunjämtix jiwasax Jesusan jiwatapa, jiwatanak taypit jaktatap iyawstanxa, uka pachparakiw iyawstan Diosax Jesusampi chik jupar iyawsas jiwapki ukanakar jaktaykan ukxa.

Apocalipsis 1:18

jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.

Apocalipsis 20:5

Jupanakaw nayrïr jaktirinakäni. Ukampis mayni jiwirinakax uka waranqa mara phuqhasiñapkamax janiw jaktapkaniti.

Apocalipsis 21:4

Jupaw taqi jachanakap nayranakapat picharani, janirakiw jiwañasa, jachañasa, warariñasa, usuyasiñas utjkxaniti, taqi kunanakatix nayrax utjkän ukanakax tukusxiwa” sasa.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.