Juan 10:28 - Qullan Arunaka DC

²⁸ Nayax wiñay jakañ churta, janiw kunapachas jiwapkaniti, janirakiw khitis amparaxat apaqkitaniti.

Aymar Bibliia 1986

²⁸ Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Qullan Arunaca

²⁸ Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Juan 10:28 Jak'a apnaqawi uñst'ayäwi

Job 17:9

Jupanak pachpaw askit uñt'asipxi, jan kuna juch luririw tukupxaraki.

Salmos 31:5

5 (6) Amparamaruw ajayux katuyassma; ¡Tatay, chiqpach Diosay, qhispiyasikitaya!

Salmos 37:28

Tatitux aski kankañar muniriwa, arkirinakaparusti janiw jaytanukkiti; jucharar jaqinakarux tukjiwa, jan wawanakanirak jayti.

Proverbios 24:16

aski jaqix paqallq kutis aynacht'kanixa, kutjtaskakiniwa, ñanqha lurir jaqisti jan walt'añapan aynacht'ani.

Proverbios 4:18

Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Isaías 27:3

Naya Tatituw uka markarux uñjaskta, uruy arumaw imaskta, ukhamat jan khitis ñanqhachañapataki.

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 31:3

Nayax jupar jayatpach uñstasaw sista: Wiñay munasiñampiw nayax munsma, ukat khuyapayasiñampi jichhakam uñjsma.

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

Lucas 23:46

Jesusax jach'at art'asïna akham sasa: —¡Awkixay, amparamaruw ajayux katuyasxsma! —sasa. Uk arsusin jiwawayxäna.

Juan 10:29

Kuntix Awkixax churkitu ukax taqi kunat sipan juk'ampiwa, janiw khitis Awkixan amparapat apaqkaspati.

Juan 11:25

Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;

Juan 14:19

Mä juk'ampjarux akapachankirinakax janiw juk'amp uñjkxapxitaniti; ukampis jumanakax uñjasipkitätawa, nayan jakaskatax laykux jumanakax jakasipkätawa.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 18:9

Ukasti, kunjämtix Jesusax siskän ukarjamaw phuqhasiskäna: “Katuykista ukanakat janiw maynis chhaqkiti” sasa.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:47

Qhanak sapxsma, khititix nayar iyawskitu ukax wiñay jakañaniwa.

Juan 6:68

Simón Pedrosti juparux sänwa: —Tatay, ¿khitin ukarurak sarapxästi? Juman arunakamax wiñay jakañ arunakawa.

Hechos 7:59

Qalamp k'upjapkän ukkhasti, Estebanax Tatitut mayisïna: “Tatit Jesús, ¡ajayux katuqt'asxita!” sasa.

Romanos 5:17

Jiwatix mä sapa jaqin juchap layku utjchixa, ukat juk'ampiw khitinakarutix Diosax jach'a khuyapayasiñapan inak aski jaqinakar tukuyki ukanakax machaq jakäwin munañanïpxani Jesucristo tuqi.

Romanos 5:2

Jupïpan iyawsäwi laykux, Diosan khuyapayasiñap jikxatapxtan, ch'amañchasipxtan, kusisipxtan, Diosan qhapaq kankañap jikxatañ suyapxaraktan.

Romanos 5:21

Kamisatix juchax jiwañ apanis utjantasïnxa, ukhamarakiw Diosan munasiñapax jiwasar aski jaqir tukt'ayasa, Jesucristo Tatitus tuqi wiñay jakañ churas utjantasïna.

Romanos 5:9

Jichhasti, Diosax Criston jiwatap tuqi jaqinakar aski tukuyatapatxa, ukatpï jichhax jupïpan wiñay mutuñat qhispiyatäpxañänixa.

Romanos 6:23

Juchan waxt'äwipax jiwañakiwa, Diosan waxt'äwipasti wiñay jakañawa, Jesucristo Tatitusana.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

Deuteronomio 33:3

Tatitux markapar munasiwa, Diosax jupankirinakarux imarakiwa; jupanakan jaysasirïpxatapata, arunakapsa kusisiñamp phuqhirïpxatapata.

Filipenses 1:6

Diosaw suma luräwinakap jumanakampix qalltawayi, ukanakasti Jesucriston jutañapkamax juk'amp sumaw tukuskani.

2 Tesalonicenses 2:13

Ukampis nanakan jumanakat Diosar yuspagarañax wakisipuniwa, Tatitun munat jilatanaka, Diosaw jumanakarux qalltatpach qhispiyatäpxañamatak ajllisipxtam, jupaw jumanakarux Qullan Ajay tuqi qullananakar tukuyapxtam, chiqa kankañar iyawsapxatamata.

1 Timoteo 1:16

Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

1 Juan 1:2

Aka jakañ Arusti uñstawayiwa: nanakasti uk uñjapxta, ukarak arsupxta; ukatsti jumanakaruw aka wiñay jakañat yatiyapxsma, khititix Awkimpiskäna ukat jiwasanakar uñstarakistu.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.

1 Juan 2:25

Chiqpachansa Jesucristox uk churañatakiw arsuwayistu: ukasti wiñay jakañawa.

1 Juan 5:11

Aka qhanañchäwix akhamawa: Diosax wiñay jakañ churistu, uka wiñay jakañasti Yuqapan utji.

Judas 1:1

Nayax Judas, Jesucriston luqtiripätwa, Santiagon jilaparakïtwa, khitinakarutix Dios Awkix munki, jawskaraki, taqi jumanakaruw aka arunak qillqanipxsma, jumanakasti Jesucriston imatäpxaraktawa.

Judas 1:21

Tatitun munasiñapan jakapxam, ukatsti kunürutix Tatit Jesucristosax khuyapayasiñapan wiñay jakañ churkistani uka uru suyt'apxam.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

1 Samuel 2:9

Tatituw jupar jaysirinakarux imi, jan jaysasirinakasti llakisiñat jiwapxi, ¡inamayatakikiw ch'amapasa!