Juan 1:38 - Qullan Arunaka DC

³⁸ Jesusasti jupar arkaskir uñjasin kutikipstani, ukat jupanakar sarakïna: ¿Kunarak thaqhasipktasti? —sasa. Jupanakasti sapxänwa: —Yatichiri, ¿kawkinarak utjastasti? —sasa.

Aymar Bibliia 1986

³⁸ Jesusasti khepäjj uñaquipasisinsti jupar arcasquirwa uñjäna, jupanacarusti saraquïnwa: ¿Qhitsa thakasipcta? —sasa. Jupanacasti sapjjaraquïnwa: —Yatichiri, ¿cawquins jacascta? —sasa.

Qullan Arunaca

³⁸ Jesusasti khepäjj uñaquipasisinsti jupar arcasquirwa uñjäna, jupanacarusti saraquïnwa: ¿Qhitsa thakasipcta? —sasa. Jupanacasti sapjjaraquïnwa: —Yatichiri, ¿cawquins jacascta? —sasa.

Juan 1:38 Jak'a apnaqawi uñst'ayäwi

1 Reyes 10:8

¡Warminakamax wali kusisitäpxpachawa, aka uywatanakamas juma thiyan yatiñan arunakam isch'ukisax wali kusisitaw jikxatasipxpacha!

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Proverbios 13:20

Yatiñan jaqinakamp chika sarnaqirix, yatiñ kankañ yatiqani; jan amuyt'an jaqinakamp chika sarnaqiristi, aynacht'añaruw purini.

Proverbios 3:18

Yatiñ kankañ jikxatiritakix ukax jakañawa; ¡yatiñ kankañ katxäsirinakasti kusisiñaniwa!

Proverbios 8:34

Nayar ist'ir jaqix kusisiñaniwa, uta punkuxan sapürus suyxatir jaqisa kusisiñaniwa.

Lamentaciones 5:19

Jumasti Tatay, wiñayatakiw apnaqätaxa. ¡Jumaw nanakan jach'a reyixätaxa!

Lucas 10:39

Martax mä kullakanïnwa, jupasti María satänwa, Mariasti Jesús jak'aruw qunt'asïna kuntix siskän uk ist'iri.

Lucas 14:25

Walja jaqiw Jesusarux arkäna; jupasti kutikipstanisin jupanakaruw sarakïna:

Lucas 15:20

Ukatsti awkipan utaparuw kuttanxäna. “Awkipasti jayankkipan juparux uñjäna, ukat jupat khuyapt'ayasisin jikxatirix jaläna, juparusti qhumantasa, jamp'att'asaw katuqäna.

Lucas 19:5

Kunapachatix Jesusax uka chiq saraskän ukkhaxa, alayar uñtasin Zaqueor uñjäna, ukatsti sarakïnwa: —Zaqueo, jank'ak saraqanim, jichhüruw utaman qamarañaxax wakisi —sasa.

Lucas 22:61

Tatitusti kutikipstasin Pedrorux uñtäna, Pedrosti kuntix Jesusax siskatayna uka arunakat amatasïna: “Jichhüru, wallpax janïr art'kipanwa nayarux kimsa kuti jan uñt'ir tuküta” sasa.

Lucas 8:38

Ñanqha ajayunak mistut jaqisti Jesusarux jupamp chik sarañatakiw achikt'asïna. Jesusasti juparux sänwa:

Juan 1:37

Uk ist'asinsti, Juanan pani arkiripax Jesusaruw arkapxäna.

Juan 1:39

Jesusasti jupanakarux sarakïnwa: —Jutapxam, ukat uñjapxäta —sasa. Jupanakasti jupamp chikaw utjäwip uñjir sarapxäna. Uka urusti Jesusampiw qamapxäna, niya pusi jayp'üxatap layku.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 12:21

Jupanakasti Feliperuw jikxatapxäna, jupax Galilea uraqinkir Betsaida markankirïnwa, ukat jupar achikt'asipxäna: —Tata Felipe, Jesusar uñjañ munapxta —sasa.

Juan 18:4

Jesusasti kunatix jupampi lurasiñapäkän uk yatïnwa, ukat mistunisin jupanakar jiskt'äna: —¿Khitirus thaqhapxta? —sasa.

Juan 18:7

Jesusasti wasitat jupanakar jiskt'äna: —¿Khitirus thaqhapxta? —sasa. Jupanakasti sapxarakïnwa: —Nazaretankir Jesusaruw thaqhapxta —sasa.

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Juan 3:26

ukat Bautisir Juanar yatiyapxäna: —Yatichiri, Jordán jawir khurkatan jumampïkäna, jupat qhanañchapkista ukaxa, jichhax bautisaskiwa, taqiniw jupar arkapxi —sasa.

Juan 4:31

Ukchañkamasti yatiqirinakapax Jesusaruw achikt'apxäna: —Yatichiri, manq'asimaya —sasa.

Juan 6:25

Quta khurkatar mistusinsti, Jesusaruw jikxatapxäna, ukat jiskt'apxi: —Yatichiri, ¿kunapacharak akar purintasti? —sasa.

Hechos 10:21

Pedrosti saraqasin Cornelion khithanit jaqinakaruw säna: —Nayätwa khitirutix jumanakax thaqhapkta ukaxa. ¿Kunarus jutapxta? —sasa.

Hechos 10:29

Ukat nayax, yatiyapxit ukspach jan pächasis jutta. Jichhax yatiñ munirista, ¿kunatakirak jawsayapxistasti? —sasa.

Rut 1:16

Ukampis Rut warmix taykch'iparux sarakïnwa: “Jumar jaytjañ jan mayistati, kawkharutix jumax sarkäta ukkharuw nayax sarä, kawkhantix jumax jakkäta ukkhan jakä. Juman markamax markaxäniwa, Diosamasti, Diosaxarakïniwa.