Josué 9:14 - Qullan Arunaka DC

¹⁴ Israelitanakasti gabaonita jaqinakan manq'añanakap mallt'apxäna, ukampis uk lurañatakix janiw Tatiturux jiskt'asipkänti.

Aymar Bibliia 1986

¹⁴ Israelit jakenacajj uca gabaonit jakenacan mank'apjja mallt'apjjänwa, ucampis janiraquiw Diosarojj jisct'asipcänti.

Qullan Arunaca

¹⁴ Israelit jakenacajj uca gabaonit jakenacan mank'apjja mallt'apjjänwa, ucampis janiraquiw Diosarojj jisct'asipcänti.

Josué 9:14 Jak'a apnaqawi uñst'ayäwi

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

Esdras 8:21

Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Éxodo 28:30

Ukatsti pectoral isi patxarux Urim, Tumim sat chiqa aski uñjañ qalanak uchäta, Aaronax chuymapar warkuntat apañapataki, kunapachatix Tatitun nayraqapatar uñstkani ukapacha. Ukhamwa Aaronax chuyma patapar uka chiqa aski uñjañ qalanak Tatitun nayraqatapan apapunini.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

Josué 9:13

Lip'ichi wayaqanakas vino uskunipkta ukkhax machaqäskänwa, jichhasti q'ala ch'iyanuqtatawa; isinakaxasa, wiskhunakaxas wali jayat jutapxatax laykux q'ala thanthäxiwa —sasa.

Jueces 1:1

Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.

Jueces 20:18

Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.

1 Samuel 22:10

Ahimélec sacerdotesti Tatiturux Davidxat jiskt'äna, ukatsti juparux manq'añanaka, ukhamarak Goliat filisteon espadap churarakïna —sasa.