Josué 9:1 - Qullan Arunaka DC

¹ Hititanakana, amorreonakana, cananeonakana, ferezeonakana, heveonakana, jebuseonakan reyinakapax kunatix luraskatayna ukanak yatipxäna. (Uka reyinakax Jordán jawirat inti jalanta tuqina, qullu tuqinakana, pampa tuqinakana, jach'a Mediterráneo quta irananakana, Líbano chiqanakan jakapxäna.)

Aymar Bibliia 1986

¹ Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.

Qullan Arunaca

¹ Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.

Josué 9:1 Jak'a apnaqawi uñst'ayäwi

2 Samuel 24:7

Ukatsti Tiro chiqankir uyuchrantat markaruw sarapxäna, ukhamaraki, heveonakana, cananeonakan taqpach markanakaparu, Judá uraqin aynacha tuqir mistuñkama, Beerseba markäki ukkhakama.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 34:11

“Jichhür sapksma ukhamarjam phuqhapxam, nayasti jumanakan nayraqatamat jaqunukü: amorreonakaru, cananeonakaru, heteonakaru, ferezeonakaru, heveonakaru, jebuseonakaru.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Números 34:6

“Inti jalanta tuqirusti, Mediterráneo jach'a qutampi qurpäniwa.

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Deuteronomio 3:25

Jordán jawir khurkatar makhatt'ayakitaya, khä suma uraqi uñjañ munta, khä suma qullunaksa, Líbano uraqsa uñjañ munarakta’ sasa.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Josué 1:15

Tatitun jupanakaru samaraña churañapkama, kunjämtix jumanakar churapktam ukhama, kawkïr uraqtix Tatitux churkani uka uraqin jupanakankañapkama. Ukatsti jumanakax jawirat akkatanki uka uraqinakamaruw kuttanxapxäta, kawkharutix Tatitun luqtiripa Moisesax churapktam uka uraqi wiñayatak katuntasipxañamataki —sasa.

Josué 1:4

Jumanakarux wasarata, Líbano qullunakat qalltasa, Éufrates jach'a jawirkam churapxäma, hitita jaqinakan taqi uraqinakapa, Mediterráneo sat jach'a qutakama.

Josué 10:23

Israelitanakasti ukham lurapxäna, ukatsti Jerusalén, Hebrón, Jarmut, Laquis, Eglón markanakan reyinakaparuw uka putut irpsunipxäna.

Josué 11:17

Halac sat qullut Seír tuqir makhatki ukkhata, Baal-gad chiqakama, ukasti Líbano pampanakankiwa Hermón qullu kayuna; Josué chachax uka chiqankir reyinakarux katuntasin taqiniruw jiwarayäna,

Josué 13:5

Ukatsti guiblitas sat jaqinakan uraqinakapaw utjaskaraki, Líbano sata, inti jalsu tuqinkir taqpach uka uraqinaka, Baal-gad chiqat Hermón qullu aynach tuqikama, ukat Hamat markar mantañ chiqakama.

Josué 15:12

Tukuyarusti, inti jalanta tuqitxa, qurpax Mar Mediterráneo jach'a qutänwa. Judá ayllur wakt'käna uka uraqinakan qurpanakapax ukanakawa, kawkïr uraqinaktix Judá ayllunkir wila masi tamanakapax lakinuqasipkäna uka uraqinaka.

Josué 22:4

Diosax arsutapar phuqhiwa, jilanakamas samarañ jikxatapxaraki, ukhamasti, utanakamar sarxapxam, kawkïr uraqtix Tatitun luqtiripa Moisesax Jordán jawirat inti jalsu tuqir churapktam uka uraqir kuttxapxam.

Josué 22:7

Moisesax, Manasés chachan ayllupankir maynïr chikat jaqiparux, Basán chiqankki uka uraqi churxatayna. Maynïr chikat jaqiparusti, Josué chachax israelit jilanakapan uraqip taypiruw uraqinak churäna, Jordán jawira inti jalanta tuqiru, ukat jupax nayrïr tamarux askinak churasin khithanukxäna.

Josué 23:4

Nayasti sapaqat aylluruw taqi aka uraqinak kunjämarutix wakt'apktam ukhamarjam lakintapxsma. Janiw katuntat uraqinakakti lakintapksma, jan ukasti, kawkïr uraqinakatix jan katuntatäki ukanakamppach lakintapxaraksma, inti jalsu tuqit Jordán jawirat qalltasa, inti jalanta tuqirusti Mediterráneo sat jach'a qutakama.

Josué 24:11

Ukatsti jumanakax Jordán jawir makhatasin Jericó markakam purinipxtaxa. Jericó marka jakapkän uka amorreonaka, ferezeonaka, cananeonaka, hititanaka, gergeseonaka, heveonaka, jebuseo jaqinakax, jumanakampiw nuwasipxäna, ukampis nayaw jumanakarux atipt'ayapxsma.

Josué 3:10

Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.

Josué 3:17

Israel markasti taqpachaniw Jordán jawir wañanjamaki makhatapxäna, ukchañkamasti Tatitun arust'äwi arcap apapkäna uka sacerdotenakax chika jawir taypin waña uraqin sayt'atäsipkänwa.

Josué 5:1

Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.

Josué 6:27

Tatitux Josué chacharux yanapänwa, sutipasti taqi uksa tuqinakan aytasïna.

Josué 9:7

Israelitanakasti uka heveo jaqinakarux sänwa: —Inas jumanakax aka jak'anakan jakasipksta; ¿kunjämarak jumanakampi mä suma amtäwiru mantsnasti? —sasa.