Josué 8:8 - Qullan Arunaka DC

⁸ Marka katuntasinsti, ninampiw phichhantapxäta, kunjämtix Tatitux siskän ukhamarjama. Aka arunakax phuqhañatakiwa” sasa.

Aymar Bibliia 1986

⁸ Cunapachatï jumanacajj marcaru t'unjapjjäta, ucqhajj ninampiw phichhantapjjäta, cunjämatejj Diosajj sapjjtam uqhama. Nayaw aca arunac sapjjsma” sasa.

Qullan Arunaca

⁸ Cunapachatï jumanacajj marcaru t'unjapjjäta, ucqhajj ninampiw phichhantapjjäta, cunjämatejj Diosajj sapjjtam uqhama. Nayaw aca arunac sapjjsma” sasa.

Josué 8:8 Jak'a apnaqawi uñst'ayäwi

2 Samuel 13:28

uywatanakaparusti sarakitaynawa: “Amnonar walpun amuyapxäta machantatäxani ukapachaw nayax sapxäma: ‘Jiwayapxam’ sasa, ukatsti jumanakax jiwayapxätawa. Jupar jiwayañ janiw axsarapxätati, nayaw sapxsma. Ukhamasti ch'amañcht'asipxam, jan axsarapxamti” sasa.

Deuteronomio 20:16

Ukampis Tatit Diosamax churkätam uka uraqin utjir markanakapanxa, janiw maynirus jakaskir jaytapxätati,

Josué 1:16

Jupanakasti sapxänwa: —Nanakax kuntix sapkista ukanak lurapxäwa, kawkharutix khithapkitäta ukkharuw sarapxarakï.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 6:24

Ukxarusti israelitanakax ninampiw Jericó markar phichhantapxäna, kunatix utjkäna ukanakamppacha. Ukampisa Tatitutaki imata qullqimpi, qurimpi, ukhamarak bronceta, hierrot lurat yänakaki apsupxäna.

Josué 8:13

ukhamat mä tama soldadonakax markat alay tuqin imantasïna, mä tamasti markat inti jalanta tuqin imantasirakïna. Josué chachasti uka arumax chika qhirwakamaw nayrst'äna.

Josué 8:2

jumasti kunjämtix Jericó markarusa, reyiparusa lurkta, ukhamarak Ai markampiru, reyipampiru luräta, ukampis jichha kutix jumanakaw taqi yänakapsa, uywanakapsa jumanakataki apasinipxäta. Jichhasti Ai markar qhipäx tuqit akatjamat tukjañatak wakicham” sasa.

Josué 8:22

Ukatsti, khitinakatix markar katuntapkän ukanakax mistunxapxänwa, Ai markankirinakasti Israelan paypach tamap taypin katuntat uñjasipxäna, uka tamanakax taqiniruw jan maynin katurasin jiwarayäna.

Josué 8:28

ukatsti Josué chachax ninampiw Ai marka phhichhantäna, jan mayampitakiw tukjarakïna, kunjämtix jichhürkam uñjasiski ukhama.

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Josué 8:9

Ukatsti Josué chachax sarapxam sasaw ejercitopar khithanuküna, jupanakasti sarasax Betel, Ai markanak taypiruw, inti jalanta tuqir imantasipxäna, ukchañkamasti Josué chachax campamenton uka arumax qhiparäna.

Jueces 4:6

Mä urusti, Débora warmix Barac sat chachar jawsiriw khithäna, jupasti Abinóam chachan yuqapänwa, Neftalí ayllunkir Quedes markan jakarakïna, juparusti sänwa: —Israelan Tatitu Diosapax, akham sistamwa: “Tabor sat qullur saram, ukansti Neftalí, Zabulón ayllunkirinakat tunka waranqa chachanak tantacht'am.