Josué 8:4 - Qullan Arunaka DC

⁴ “Sum ist'apxam: marka qhipäx tuqir sarapxam, ukatsti uka jak'an imantasipxäta, katuntañatakisti jank'akïpxätawa.

Aymar Bibliia 1986

⁴ “Jumanacasti marca khepäjjaruw imantasipjjäta, janiraquiw sinti jayarus sarapjjätati, ucatsti suma waquicht'ataw suyapjjäta marcar t'unjañataqui.

Qullan Arunaca

⁴ “Jumanacasti marca khepäjjaruw imantasipjjäta, janiraquiw sinti jayarus sarapjjätati, ucatsti suma waquicht'ataw suyapjjäta marcar t'unjañataqui.

Josué 8:4 Jak'a apnaqawi uñst'ayäwi

2 Reyes 7:12

Reyisti arumäkchïn ukasa, sartasïnwa, ukat yanapirinakapar säna: —Kuntix sirionakax jiwasar lurañ munkistu uk jumanakar qhanañchapxäma. Jupanakax manq'at t'aqhisitasxa yatipxiwa, ukatsti campamentopat mistusinxa pampan imantasipxi. Jupanakax jiwasan mistuñas munapxi, jakkirpach jiwasar katuntañataki, ukhamat markasar mantantaniñataki —sasa.

2 Crónicas 13:13

Jeroboam reyix soldado tamanakaparux akatjamat Abiam reyin ejercitopar muyuntasin qhipäxat katuntañapatakiw khithäna, Jeroboam reyin jach'a ejercitopax Judá ejerciton nayraqatapankänwa, ukchañkamasti mä tama soldadonakax qhipäxat nuwantanipxäna.

Eclesiastés 7:19

Mä markan tunka jilïrinakat sipansa, yatiñ kankañaw yatiñan jaqirux juk'amp ch'am churi.

Eclesiastés 9:16

Ukat nayax sista, wali ch'amanïñat sipansa yatiñanïñaw askixa, jan kunan jaqin yatiñapax janisay yäqatäkpan, parlatapas janisay ist'atäkpan.

Hechos 23:21

Ukampis jumax janiy jupanakar jaysamti. Jupanakat pusi tunka jila jaqinakaw jamasat suyasipki Pablor jiwayañataki. Jupanakax juramentompiw amtapxi, jan manq'añataki, jan umañatakisa, Pablor jiwayañkama. Jichhasti juman arumak suyasipki —sasa.

Josué 8:16

Ukatsti Ai markan ejercitopax jupanakar arktañatakiw mistuwayapxäna, Josué chachar arktasasti Ai markat jayarst'apxänwa.

Josué 8:3

Josué chachasti taqpach soldadonakapampiw Ai markar sarañatak wakicht'asïna. Kimsa tunk waranqa nuwasir jaqinak ajllïna, jupanakarusti arumaw khithäna, akham iwxt'asa:

Jueces 20:29

Ukhamasti yaqhip israelita soldadonakax Guibeá marka thiyanakaruw imantasipxäna,

Jueces 20:33

Akatjamat israelitanakax kawkhankapkäntix ukkhat mistunipxäna Baal-tamar chiqan nuwasiñataki; mä tuqitsti, khitinakatix Guibeá marka thiya pampanakan imantasitäpkän ukanakaxa, mistunisin

Jueces 20:36

Ukapachaw Benjamín ayllunkirinakax atipjatäxäpxatap amuyasipxäna. Israelitanakasti Benjamín ayllunkirinakan jupanakar nuwantatapatsti, qhiparuw kuttapxäna, jupanakan Guibeá marka thiyanakan imantasitäpkän uka jaqinakan atipjañap suyapxatap layku.

Jueces 9:25

Siquem markankirinakat yaqhip jaqinakapax qullu patanakan imantasïna, uka jak'a thakhi saririnakarux jalxatasin yänakap lunthatapxirïna. Abimélec chachasti taqi ukanakat yatxatäna.

Jueces 9:32

Ukhamasti jumax, jichha arumpacha soldadonakamampi mistuwayasin pampar imantasipxam.

1 Samuel 15:2

Taqi ch'amani Tatitux akham siwa: “Nayax amalecita jaqinakarux israelitanakar jan wali luratanakapat mutuyäwa, jupanakax chika thakhiruw sayantasipxäna kunapachatix israelitanakax Egiptot jutapkäna ukapachaxa.

1 Samuel 15:5

Ukatsti Saúl reyix Amalec jach'a markaruw saräna, mä jawira jak'aruw utjnuqtäna.