Josué 8:31 - Qullan Arunaka DC

³¹ kunjämatix Tatitun luqtiripa Moisesax israelitanakar siskatayna, ukhamarak kunjämatix Moisesan qillqatapansa qillqatäki ukhamarjama: “Maypach qalanakat mä altar luräta” sasa. Ukatsti israelitanakax uka altar patxaruw nakt'at waxt'äwinaka, sumankthapiñ wilañchanak luqtapxäna.

Aymar Bibliia 1986

³¹ cunjämatï Moisesajj israelitanacar siscäna, uqhamaraqui pachpa Moisesan libropansa kellkatäqui: “Janiw nayan altarajjajj cunampi luratäcaspasa, jan ucasti kalanacat lurataquïniwa” sasa. Ucatsti israelitanacajj uca altarjjarojj uywanac jiwayasinwa sacrificionac Diosaru loktapjjäna, uqhamaraqui Diosampi wastat sumancthapipjjäna.

Qullan Arunaca

³¹ cunjämatï Moisesajj israelitanacar siscäna, uqhamaraqui pachpa Moisesan libropansa kellkatäqui: “Janiw nayan altarajjajj cunampi luratäcaspasa, jan ucasti kalanacat lurataquïniwa” sasa. Ucatsti israelitanacajj uca altarjjarojj uywanac jiwayasinwa sacrificionac Diosaru loktapjjäna, uqhamaraqui Diosampi wastat sumancthapipjjäna.

Josué 8:31 Jak'a apnaqawi uñst'ayäwi

2 Reyes 14:6

Ukampis janiw awkipar jiwayirin wawanakaparux jiwaraykänti, Moisesan kamachipan qillqatäki ukhamarjama, Tatitux sänwa: “Awki taykasti janiw wawanakapan jucha luratap layku jiwañapatak juchañchatäkaniti, janirakiw wawanakas awki taykan jucha luratap layku jiwañatak juchañchatäkaniti, jan ukasti, sapa mayniw jucha luratapatjam jiwani” sasa.

2 Reyes 22:8

Mä urusti, Hilquías jilïr sacerdotex, Safán qillqiriruw yatiyäna, Tatitun utapan kamachinakan qillqat jikxatkatayna ukxata; ukatsti juparuw uka qillqat katuyäna, Safán qillqiristi uka qillqat ullaränwa.

2 Crónicas 25:4

Ukampis janiw uka jilïrinakan wawanakaparux jiwaraykänti, Moisesan kamachipan qillqatanakarjamax Tatitux sänwa: “Awkinakax janiw wawanakapan jucha luratap laykux jiwañapatak juchañchatäkaniti, janirakiw wawanakas awkinakapan jucha luratap laykux jiwañapatak juchañchatäkaniti, jan ukasti sapa mayniw juchap laykux jiwani” sasa.

2 Crónicas 35:12

Ukatsti nakhantayatäxañapatakix lik'inak apaqapxäna, qawqhanitix markan wila masi tamanakax utjkäna ukhamarjam Tatitur luqtapxañapataki, Moisesan qillqatapan arsutäki ukhamarjama; uka pachparak vaca qallunakampix lurapxäna.

Esdras 6:18

Ukxarusti sacerdotenakampiru, yanapirinakapampirux lurañanakaparuw uchapxäna, kunjämtix Moisesax Jerusalenan Tatitur yupaychañataki yatichkatayna ukarjama.

Nehemías 13:1

Mä urusti, Moisesan qillqatapxa, jaqinakan uñjkataw ullarasipkäna, uka qillqatansti mä kamachiw utjäna, ukasti akham sänwa: “Janipuniw amonitanakasa, moabitanakasa Tatitun markapankañapäkiti” sasa.

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Mateo 12:26

Ukhamarakipï, supayatix jupa kipka supayar alissuspaxa, jupa pachpaw t'unjasispa, ukhamasti ¿kunjämarak supayasti ch'amanikïskaspasti?

Deuteronomio 27:2

Kunapachatix Jordán jawira makhatapkäta, ukatsti Tatit Diosamax churapkätam uka uraqir mantapkarakïta ukapachaxa, jach'a qalanak sayt'ayapxäta, uka qalanakarusti q'atawimpiw llusikipapxäta,

Deuteronomio 27:8

Uka qalanakxarusti churapksma taqi uka yatichäwinak suma qhan qillqantapxäta” sasa.

Josué 1:8

Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.