Josué 8:22 - Qullan Arunaka DC

²² Ukatsti, khitinakatix markar katuntapkän ukanakax mistunxapxänwa, Ai markankirinakasti Israelan paypach tamap taypin katuntat uñjasipxäna, uka tamanakax taqiniruw jan maynin katurasin jiwarayäna.

Aymar Bibliia 1986

²² Ucjjarusti Hai marcanquir jakenacajj israelitanacan ejercitop taypiru muyuntataw uñjasipjjäna jan cawcsarus jaltañjamäquipanjja, takeniraquiw jan maynini jiwarapjjäna.

Qullan Arunaca

²² Ucjjarusti Hai marcanquir jakenacajj israelitanacan ejercitop taypiru muyuntataw uñjasipjjäna jan cawcsarus jaltañjamäquipanjja, takeniraquiw jan maynini jiwarapjjäna.

Josué 8:22 Jak'a apnaqawi uñst'ayäwi

Job 20:5

ñanqha lurir jaqin kusisiñapax juk'atakikiwa; kusist'añapasti jank'a tukusirikirakiwa.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

Josué 10:28

Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.

Josué 6:21

Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Josué 8:21

Josué chachampi, taqpach israelitanakampisti, nuwantañatak imantasipkatayna uka chachanakan marka katuntatap uñjasa, ukhamarak ninampi phichkatapxatap uñjasinxa, kuttanisin Ai markarux nuwantapxarakïna.

Josué 8:23

Ai markan reyiparukiw jan jiwayapkänti, juparusti katuntasin Josué chachan ukaruw irpapxäna.

Josué 8:8

Marka katuntasinsti, ninampiw phichhantapxäta, kunjämtix Tatitux siskän ukhamarjama. Aka arunakax phuqhañatakiwa” sasa.