Josué 8:20 - Qullan Arunaka DC

²⁰ Kunapachatix Ai markankir jaqinakax qhipa tuqir uñtanipkän ukkhasti, markapax nina nakhaskiri jiwq'isti chika alaxpachkam makhataskir uñjapxäna, janirakiw jupanakax kawksarus jaltirjamäpkänti, kawkïr israelitanakatix wasar tuqir jaltapkäna ukanakax kuttanisin jupanakaruw kutxatapxäna.

Aymar Bibliia 1986

²⁰ Cunapachatejj Hai marcanquir jakenacajj khepa toker uñtasinipjjän ucqhajj, marcapajj ninaw naqhascäna jiwk'esti chica alajjpachcamaw maqhatäna, janiraquiw jupanacajj cawqharus jaltañ puedipcänti, cawquïri israelitanacatï wasar toker sarapcän ucanacajj cutt'anisinjja jupanacaruw cutjjatapjjaraquïna.

Qullan Arunaca

²⁰ Cunapachatejj Hai marcanquir jakenacajj khepa toker uñtasinipjjän ucqhajj, marcapajj ninaw naqhascäna jiwk'esti chica alajjpachcamaw maqhatäna, janiraquiw jupanacajj cawqharus jaltañ puedipcänti, cawquïri israelitanacatï wasar toker sarapcän ucanacajj cutt'anisinjja jupanacaruw cutjjatapjjaraquïna.

Josué 8:20 Jak'a apnaqawi uñst'ayäwi

Génesis 19:28

ukatsti Sodoma, Gomorra markanak uñtäna, ukhamarak taqi uka qhirwa tuqinak uñtarakïna, uksa tuqit walt'at jiwq'i makhatir uñjäna, mä jach'a hornotsa nina jiwq'ix mistkaspa ukhama.

Job 11:20

Ukampis ñanqha lurir jaqinakax, inamayakiw yanap thaqhani; janiw kawkhar imantasiñsa jikxatapkaniti, suyt'añapasti jiwañakïxaniwa.

Salmos 76:5

5 (6) Ch'aman jaqinakax jaqunukutäpxänwa; nuwasir jaqinakax janiw nuwasirjamäpkänti; ¡jupanakax wiñayatakiw ikxapxäna!

Isaías 34:10

Janirakiw ukax urus arumas jiwt'kaniti, jiwq'ipas walipuniw sartani. Wiñayatak apanukutaw uñjasini, janirakiw khitis uka chiq wasitat mäkipkxaniti.

Josué 8:19

Ukatsti imantasitäpkän uka tamanakax jank'akiw mistunipxäna, ukatsti markar jalakamakiw mantantapxäna, katuntasinsti ninampirakiw phichhantapxäna.

Josué 8:21

Josué chachampi, taqpach israelitanakampisti, nuwantañatak imantasipkatayna uka chachanakan marka katuntatap uñjasa, ukhamarak ninampi phichkatapxatap uñjasinxa, kuttanisin Ai markarux nuwantapxarakïna.

Apocalipsis 18:9

Akapachankir reyinakasti, nina jiwq'i uñjasax uka warmit wal jachapxani, jakhusipxarakini, jupampi q'añusipxatap layku, k'achachasiñanakar katuyasipxatap layku.

Apocalipsis 19:3

Ukatsti wasitat art'apxarakïna: “¡Aleluya! Aka jach'a q'añusirin jiwq'ipax wiñayan wiñayapatakiw makhatani” sasa.

Jueces 20:38

Markar katuntañatak imantasitäpkän ukanakasti, mayni israelitanakampiw mä amtäwir mantapxatayna, kunapachatix marka katuntapkani ukapachax mä jach'a nina jiwq'i tuqi yatiyañataki.

Jueces 20:40

ukampis ukapachaw jiwq'ix marka taypit mistunïna, benjaminitanakasti qhipa tuqir uñtasinxa, markata jiwq'impi nina lawranakampi alaxpachkam makhatiri uñjapxäna.

Jueces 20:41

Ukat israelitanakax jupanakar saykatapxäna, benjaminitanakasti jan walt'añankatap amuyasisin axsarthapipxänwa.