Josué 7:24 - Qullan Arunaka DC

²⁴ Ukatsti Acán jaqirux Acor sat qhirwaruw irpapxäna, jupampi chiksti lunthatasinkatayna uka qullqimpi, suma isimpi, quri barrampi apapxäna, ukhamarak yuqanakapa, phuchhanakapa, vacanakapa, asnonakapa, ovejanakapa, chhujllapa, taqi kunatix jupankkäna ukanakamppach apapxäna.

Aymar Bibliia 1986

²⁴ Josué chachasti Acán chacharuw irpjjaruyäna, jupampi chicsti lunthatasincatayna ucanacampi cuna: kollke, Babiloniat apanit manto, kori barra, uqhamaraqui take wawanacapa, vacanacapa, asnonacapa, ovejanacapa, carpapa, take cunatï jupan utjcäna ucanacampi. Ucatsti take Israel marcaw saräna Acor sat valleru.

Qullan Arunaca

²⁴ Josué chachasti Acán chacharuw irpjjaruyäna, jupampi chicsti lunthatasincatayna ucanacampi cuna: kollke, Babiloniat apanit manto, kori barra, uqhamaraqui take wawanacapa, vacanacapa, asnonacapa, ovejanacapa, carpapa, take cunatï jupan utjcäna ucanacampi. Ucatsti take Israel marcaw saräna Acor sat valleru.

Josué 7:24 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Job 20:15

Kuna qamir yänaktix manq'antkatayn ukanak kutsuyanxi; Tatituw ukanak purakapat apsuyanxi.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Proverbios 15:27

Walja yänak munapayirix pachpa utapankirinakaruw tukji, qullqi chilltañar uñisiristi, jakaniwa.

Eclesiastés 5:13

13 (12) Akapachan sinti llakiskay uñjta: qamir yänak juk'uchañax uywiriparuw jan walt'aykiti;

Isaías 65:10

Sarón sat qhirwax uywanakampi phuqt'atäniwa, Acor sat qhirwansti uywanakax sum manq'art'asipxani, uka uywanakax nayar arkir markaxankiwa.

Oseas 2:15

15 (17) Ukatsti uva yapunakap kuttayxäwa, jan walt'añanakapsti sumaruw tukuyarakï. Nayarux tawaqükäna uka urunakapanjam parlxayxitani, Egiptot mistunkän uka urunjama.

Josué 15:7

ukatsti Acor qhirwat makhatanïna Debir chiqakama, Guilgal tuqi muytanisina, Adumim amsta uñkatasina, qhirwa aynach tuqina; ukatsti qurpax En-semes uma jalsu chiqaw saräna, En-roguel chiqakama;

Josué 22:20

Zérah chachan Acán sat wawapat amtasipxam, jupax kunatix t'unjañat katuyatäkän ukanak katuntasisaw juchachasïna, jupan juchap laykuw Tatitux Israel markpachatakix q'apisïna. ¡Janirakiw jupa sapakis juchap laykux jiwkänti! —sasa.

Josué 6:18

Jumanakasti janiw markan utjir yänakapat kunsa aptasipxätati, janirakiw llamkt'apxätasa, jan ukasti taqiw t'unjatäñapa Tatitur luqtatäkaspas ukhama. Jumanakatix ukham lurapxäta ukkhaxa, Israelan campamentoparux jan walt'añaruw puriyapxäta.

Josué 6:21

Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 7:23

Acán jaqin chhujllapat apsunisax, Josué thiyaruw apanipxäna, ukhamarak israelit jaqinak nayraqataru, jupanakasti uka yänakxa Tatitun nayraqataparuw uskupxäna.

Josué 7:26

Ukxarusti Acán chachan amayap patxarux walja qalanak phinxatapxäna, ukasti jichhakamaw ukankaski. Ukat uka chiqax jichhürkam Acor qhirwa sataxa. Ukhamat Tatitun q'apisiñapax Israel markatak tukusïna.