Josué 7:16 - Qullan Arunaka DC

¹⁶ Qhipürusti, Josué chachax willjtat sartasïna, ukatsti israelit jaqinakarux ayllutkama tamachas Tatitun nayaraqatapan uñstayäna. Tatitusti Judá aylluruw uñstayäna.

Aymar Bibliia 1986

¹⁶ Khepa urojj Josué chachajj wali alwat sartasïna, israelitanacarojj familia, familia, tam tama Dios nayräjjan uñstayäna. Ucatsti Diosajj Judá familiaruw amparapampi uñachayäna.

Qullan Arunaca

¹⁶ Khepa urojj Josué chachajj wali alwat sartasïna, israelitanacarojj familia, familia, tam tama Dios nayräjjan uñstayäna. Ucatsti Diosajj Judá familiaruw amparapampi uñachayäna.

Josué 7:16 Jak'a apnaqawi uñst'ayäwi

Génesis 22:3

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

Salmos 119:60

Jank'akiw sartasta, jan suyasarakiw arsutanakam phuqta.

Eclesiastés 9:10

Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Josué 3:1

Qhipürusti, Josué chachampi, taqpach israelitanakampix Sitim sat chiqat wali willjtaw mistuwayapxäna, ukatsti Jordán jawir chiqaruw puripxäna; janïr makhatkasasti ukawjaruw utjnuqtapxäna.

Josué 7:15

Khitin amparapantix uñstkani kunatix tukjatäñapäkän ukaxa, wila masinakapampi, taqpach yänakapampiw ninampi phichhantatäni, Israel markaru p'inqachayatapata, ukhamarak Tatitumpi arust'äwi jan phuqhatap layku.

Josué 7:17

Ukatsti Josué chachax Judá ayllunkiriruw sapa mayni wila masi tamanakap uñstayañapatak säna, ukatsti Zérah uka wila masi tamaw uñstayat uñjasïna. Zérah wila masi tamatsti Zabdí utankirinakaw uñstayat uñjasïna.

Jueces 20:19

Ukhamasti israelitanakax willjtat sartasipxäna, ukatsti Guibeá marka uñkatasiruw utjnuqtapxäna.