Josué 6:7 - Qullan Arunaka DC

⁷ Jaqinakarusti sarakïnwa: “Jumanakax marka muytapxam. Nuwasir chachanakax Tatitun arcap nayräxap sarapxpan” sasa.

Aymar Bibliia 1986

⁷ Jakenacarusti saraquïnwa: “Jumanacasti marca muytapjjäta, cawquïri jakenacatï nuwasipcan ucanacasti Diosan arcap nayrakataparac sarapjjpan” sasa.

Qullan Arunaca

⁷ Jakenacarusti saraquïnwa: “Jumanacasti marca muytapjjäta, cawquïri jakenacatï nuwasipcan ucanacasti Diosan arcap nayrakataparac sarapjjpan” sasa.

Josué 6:7 Jak'a apnaqawi uñst'ayäwi

Josué 1:14

Warminakamsa, wawanakamsa, uywanakamsa Jordán jawirat akkataru, kawkharutix Moisesax uraqi churapxtam uka chiqaru jaytasiwayapxam. Ukampis kawkïri chachanakatix nuwasiñatak wakicht'atäpkta ukanakasti nuwasiñ yänakam apxarusisin jilanakamar yanapt'añatak sarxarupxam,

Josué 4:13

Niya pusi tunka waranqa chachanakaw nuwasiñatak wakicht'ata, Tatitun arust'awi arcap nayraqatan sarakipapxäna, ukatsti Jericó pampanak tuqiruw mistuwayapxäna.

Josué 6:3

Jumanakasti, Israelit soldadonaka, suxta uruwa, urun mä kuti Jericó marka muytapxäta.

Josué 6:6

Josué chachax sacerdotenakar jawsasinxa sänwa: “Tatitun arust'äwi arcap apapxam, jumanakat paqallqunix waxrat lurat trompetanak apt'ata arcan nayräxap sarapxam” sasa.

Josué 6:8

Ukatsti taqiniw Josué chachan aruparjam lurapxäna. Paqallqu sacerdotenakasti Tatitun arcapa nayräxap sarapxäna, paqallqu trompetanakat phust'asisa, Tatitun arcapax jupanakan qhipap saräna.