Josué 6:5 - Qullan Arunaka DC

⁵ Kunapachatix jumanakax trompetanakan mä suma phust'asitap ist'apkät ukkhaxa, wali jach'at art'asipxäta, Jericó markan uyu pirqapasti tinkuraniwa. Ukatsti sapa mayniw chiqaki Jericó markar mantaranttapxäta” sasa.

Aymar Bibliia 1986

⁵ Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Qullan Arunaca

⁵ Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Josué 6:5 Jak'a apnaqawi uñst'ayäwi

Éxodo 19:19

Trompetan phust'atapasti juk'amp juk'ampiw jach'at ist'asïna. Moisesan parlataparusti, Diosax qhixu qhixu arumpiw jaysanïna.

Isaías 25:12

Tatitusti uka jach'a alay thuru pirqanakap liwisiyaniwa; uraqir tinkurayat apanukuwayani.

Isaías 30:25

Kunürutix Tatitux uñisirinakamar jiwaraykani, jach'a pirqanakapsa liwirtaykani uka uruxa, uka jach'a qullunakat walja jawiranakaw umampi phuqhantat saraqanini.

Jeremías 50:15

¡Nuwasiñ arunak taqi tuqin art'apxam! ¡Babiloniasti niya atipjatäxaniwa! ¡Pukaranakapax liwirtxiwa, pirqanakapas tinkurxarakiwa! ¡Akaw nayan phuqsusiñaxaxa, jumanakasti jupat phuqsusipxarakim! ¡Kunjämtix jupax jumanakampi lurkäna ukhamarak jichhax jupar lurapxam!

Hebreos 11:30

Jericó markan jach'a pirqanakapas iyawsäwi laykuw allitattäna, israelitanakax paqallq uru muytapkän uka qhipata.

Josué 6:16

Kunapachatix sacerdotenakax paqallqu kuti trompetanak phust'apkän ukkhasti, Josué chachax jaqinakaruw säna: “¡Taqi ch'amamp art'apxam! Tatituw jumanakarux aka marka katuyapxtam.

Josué 6:20

Jaqinakax jach'at art'asipxäna, trompetanakan phust'atapas ist'asirakïnwa. Israelitanakax trompetanakan phust'atap ist'asasti, wali jach'at art'asipxäna, ukatsti Jericó markan uyu pirqanakapax mayak tinkxäna. Ukat taqiniw markar katuntañataki chiqak mantapxäna.

Josué 6:4

Paqallqu sacerdotenakaw Tatitun arust'äwi arcap nayräxa sarani, sapa maynis oveja waxrat lurat trompeta apt'atkama, paqallqüri urux paqallq kutiw marka muytapxäta, ukchañkamasti sacerdotenakax trompetanak phust'apxani.

Josué 6:6

Josué chachax sacerdotenakar jawsasinxa sänwa: “Tatitun arust'äwi arcap apapxam, jumanakat paqallqunix waxrat lurat trompetanak apt'ata arcan nayräxap sarapxam” sasa.

Jueces 20:37

Uka jaqinakasti akatjamat Guibeá markarux katuntapxäna, espadampkamaw taqi uka markankirinakar jiwarayapxäna.

1 Samuel 17:20

Qhipürusti, Davidax wali willjtat sartasïna, ukatsti mayniru ovejanakap jaytawayasin kunanaktix Jesé awkipax churkatayna ukanak apt'ataw saräna. Campamentor purxän ukkhasti, soldadonakax nuwasiri mistuñatakiw wakichasiskäna, nuwasiñ arunak arnaqasipxarakïna.

1 Samuel 17:52

Ukatsti israelankir jaqinakasa, Judá markankir jaqinakas filisteonakan jaltxatap uñjasax wali jach'at arnaqasisaw filisteonakarux Gat markan mantañapkama, Ecrón markan punkupkam arktapxäna. Saaraim siski ukkhat Gat, Ecrón uka markanakar sarir thakhinsti, filisteo soldadonakan jiwarata janchinakapax walipunïnwa.

1 Samuel 4:5

Kunapachatix Tatitun arust'äwi arcapa campamentor puriyanxapxän ukkhasti, israelitanakax kusisiñat wali jach'at art'asipxäna, uraqsa khathatiyapxänwa.