Josué 6:4 - Qullan Arunaka DC

⁴ Paqallqu sacerdotenakaw Tatitun arust'äwi arcap nayräxa sarani, sapa maynis oveja waxrat lurat trompeta apt'atkama, paqallqüri urux paqallq kutiw marka muytapxäta, ukchañkamasti sacerdotenakax trompetanak phust'apxani.

Aymar Bibliia 1986

⁴ Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Qullan Arunaca

⁴ Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Josué 6:4 Jak'a apnaqawi uñst'ayäwi

Génesis 2:3

Uka paqallqüri ursti Diosax jach'achänwa, qullanañcharakïnwa, uka urun taqi luräwinakapat samaratap layku.

1 Reyes 18:43

ukatsti uywataparuw säna: —Makhatam, quta tuqir uñtam —sasa. Uywatasti makhatasin uñtäna, ukat sarakïna: —Janiw kunas uñstkiti —sasa. Ukampis Eliasax saskakïnwa: —Paqallq kuti saram —sasa.

2 Reyes 5:10

Ukampis Eliseox mä jaqiruw jupar sañapatak khithäna: “Jordán jawirar saram, ukatsti paqallq kuti jariqasim, janchimasti q'umachatäxaniwa” sasa.

2 Reyes 5:14

Naamán chachasti Jordán jawirar sarasin paqallq kutiw umar mantäna, profetax siskatayna ukhamarjama, ukatsti janchipax mä wawan janchipjamaw tukuwayxäna, q'umachatäxarakïnwa.

2 Crónicas 13:12

Amuyasipxam, jiwas nayraqatan Diosampi sacerdotenakapampiw ukankasipki, jumanakamp nuwasiñataki trompetanakan phust'asiñapatakix wakicht'atawa. Ukhamasti israelitanaka, janiy nayra awkinakaman Tatit Diosapampi nuwasipxamti, janiw atipjapkätati” sasa.

2 Crónicas 20:17

Janiw jumanakati aka nuwasiñan nuwasipkäta, sum wakichasipxam, suyt'apxarakim, ukat kunjämtix Tatitux jumanakar qhispiyapkätam uk uñjapxäta. ¡Jerusalenankiri, Judá uraqinkir jaqinaka, jan axsarapxamti, janirak mulljasipxamsa; arumanthi willjtasti jupanakamp nuwasir sarapxam, Tatitux jumanakampïskiwa!’ ” sasa.

2 Crónicas 20:19

Ukatsti Quehat chachat saraqir levitanaka, Coré chachat saraqir wawanakapasa, wali jach'ata Israelan Tatit Diosapar yupaychañ qalltapxäna.

2 Crónicas 20:21

Ukatsti markar jiskt'asinxa, mä qawqha q'uchurinak ajllïna, jupanakan qullana isinakampi isthapita, soldado tamanakan nayraqatap sarasa, Tatitur aka q'uchumpi jach'añchapxañapataki: “Tatitur yuspagarapxam, munasiñapax wiñayatakiwa” sasa.

Job 42:8

Jichhasti paqallqu urqu vacampi, paqallqu urqu ovejampi katupxam, ukatsti Job luqtirixan ukaru sarapxam, ukatsti nakt'ata wilañcha jumanakataki luqtapxarakim. Job luqtirixaw jumanakatak mayini, nayasti jupan mayitapxa ist'arakïwa, janiw kuna ñanqhsa jumanakarux lurapkämati, jumanakar mutuyañas wakiskchi ukasa, nayxat jan chiqapar qhanañchapxatam layku, kunjämtix Job luqtirixax qhanañchki ukhama” sasa.

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Levítico 14:16

kupi amparapan wikucht'ir luk'anapsti, uka aceiteruw juricht'ani, ukampirakiw paqallqu kuti Tatitun nayraqatapar ch'allt'ani.

Levítico 4:6

ukan luk'anap wilar juricht'asini, Tatitun nayraqatapan paqallqu kutiw ch'allt'arakini, kawkïritix qullan utan velopäkix uka tuqiru.

Zacarías 4:2

“¿Kuns uñjta?” sasa. Nayasti juparux saraktwa: “Qurit lurat mä candelero uñjta, uka patxansti aceite uchañampi apxatata. Alay chiqansti paqallqu lamparanakaw utjaraki, ukanakarusti aceitex paqallqu tubonak chiqaw puri.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

Números 23:1

Ukapachaw Balaamax Balac reyir säna: —Aka chiqar paqallqu altaranak sayt'ayarapita, ukatsti paqallqu vaca qallumpi, paqallqu urqu ovejampi wakicharapita —sasa.

Josué 6:13

Uka paqallqu sacerdotenakasti Tatitun arcap nayräxap sarapxäna, trompetanakap phust'asisa, jupanakan nayräxapsti nuwasir chachanakaw sarapxäna, mayninakasti arcan qhipap sarapxarakïna, trompetanakan phust'asitapax janiw amukt'känti.

Josué 6:3

Jumanakasti, Israelit soldadonaka, suxta uruwa, urun mä kuti Jericó marka muytapxäta.

Josué 6:5

Kunapachatix jumanakax trompetanakan mä suma phust'asitap ist'apkät ukkhaxa, wali jach'at art'asipxäta, Jericó markan uyu pirqapasti tinkuraniwa. Ukatsti sapa mayniw chiqaki Jericó markar mantaranttapxäta” sasa.

Apocalipsis 1:20

Kupi amparaxan paqallqu warawaranak jumax uñjktas ukampi, qurit lurat paqallqu candelerompix akawa: paqallqu warawarax paqallqu iglesian angelanakapawa; paqallqu candelerosti paqallqu iglesianakarakiwa” sasa.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 10:3

Ukatsti mä leonar uñtataw wali jach'at art'asïna; art'askän ukkhasti, paqallqu qhixu qhixunakaw arunakap ist'ayasirakïna.

Apocalipsis 15:1

Ukatsti alaxpachan yaqha jach'a chimpurak uñjta, ukasti wali muspharkañänwa. Paqallqu angelanakaw paqallqu mutuyäwimpi uñstanïna, ukanakasti qhip qhipa mutuyäwinakawa, ukanakampiw Diosan q'apisiñapax tukusxäna.

Apocalipsis 15:7

Ukatsti uka pusi jakaskirinakat mayniw, sapa mayni angelaru qurit lurat mä qiru churäna, ukanakasti wiñayan wiñayapatak jakki uka Diosan jach'a axsarkañ q'apisiñapampi phuqhantata.

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Apocalipsis 5:1

Ukatsti qhapaq qunuñan qunt'atäkän ukan kupi amparapan mä qillqat uñjta, patatsa manqhatsa qillqsuta, paqallqu sellonakampi uchantata.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Apocalipsis 8:2

Ukatsti paqallqu angelanakar Diosan nayraqatapankaskir uñjarakta, jupanakarusti paqallqu trompetanakaw churasïna.

Apocalipsis 8:6

Ukatsti paqallqu trompetanak apt'atäpkän uka paqallqu angelanakax phust'añatakiw wakichasipxäna.