Josué 6:25 - Qullan Arunaka DC

²⁵ Josué chachax Rahab warmimpiru, wila masinakapampirukiw jakañap qhispiyäna, jupaw kawkïr uñaqirinaktix Josué chachax Jericó markar khitkatayna uka pani chachanakar imantäna uka layku. Ukat Rahab warmin saraqiri wawanakapax jichhürkama israelitanak taypin jakasipki.

Aymar Bibliia 1986

²⁵ Josué chachasti Rahab warmirojj jacañapjja khespiyänwa uqhamarac familiaparusa, uca warmejj pani uñaker sarir jakenacaru utaparu imantatap laycu. Uca urut jichhürcamaw Rahab warmin wawanacapajj israelit jakenacampi chica jacasipqui.

Qullan Arunaca

²⁵ Josué chachasti Rahab warmirojj jacañapjja khespiyänwa uqhamarac familiaparusa, uca warmejj pani uñaker sarir jakenacaru utaparu imantatap laycu. Uca urut jichhürcamaw Rahab warmin wawanacapajj israelit jakenacampi chica jacasipqui.

Josué 6:25 Jak'a apnaqawi uñst'ayäwi

Mateo 1:5

Salmonax Boozan awkipänwa, taykapax Rahab satänwa. Boozasti Obedan awkipänwa, taykapax Rut satänwa; Obedax Jesen awkipänwa.

Hechos 2:21

Tatitun sutipar art'asir jaqinakasti, qhispiyasiñ jikxatapxani” sasa.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Santiago 2:25

Rahab sat jan wali sarnaqir warmimpix uka pachparakiw lurasïna; Diosax luratanakap uñjasaw askit katuqäna. Uka warmisti khithatanakarux utaparuw qurpachäna, ukatsti yaqha thakhinjam sarxañapatakiw yanapt'arakïna.

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 2:18

Ukampis kunapachatix nanakax aka markaru mantanipkä ukkhaxa, jumax aka wila wiska kawkïr ventanattix warkuqapkista ukawjat warkuqanïta. Ukatsti utamarux awkimaru, taykamaru, jilanakamaru, awkiman taqpach wila masinakaparuw tantachäta.

Josué 2:4

Ukampis Rahab warmix uka pani chachanakar imantänwa, ukatsti sarakïnwa: —Chiqaw ukaxa, pani chachanakaw utaxar sart'anitu, ukampis janiw nayax kawkinkirïtapsa yatkti.

Josué 2:6

Ukampisa Rahab warmix uta pataruw uka pani chachanak irpkatatayna, ukansti jupanakax lino alinak wañachat taypin imantatäsipkänwa.

Josué 4:9

Ukhamarusa, Josué chachax yaqha tunka payan qalanak ucharakïna, kawkha chiqarutix arust'äwi arca apir sacerdotenakax sayt'asipkän uka chiqaru. Uka qalanakasti jichhürkamaw ukankaski.