Josué 6:22 - Qullan Arunaka DC

²² Josué chachasti kawkïr chachanakatix uraq uñaqanipkatayna uka pani chacharux sänwa: “Uka Rahab warmin utapar sarapxam, ukatsti juparux taqi utapankirinakapamp chika irpsunipxam, kunjämtix jumanakax sapkatäta ukhamar phuqhasa.

Aymar Bibliia 1986

²² Josué chachasti uca pani uñaker sarir jakenacarojj sänwa: “Sarapjjam uca Rahab sat warmin utaparu, ucatsti irpsunipjjam take familiapamp chica, cunjämtï jumanacajj sapcatäta uqhamar phokhasa.”

Qullan Arunaca

²² Josué chachasti uca pani uñaker sarir jakenacarojj sänwa: “Sarapjjam uca Rahab sat warmin utaparu, ucatsti irpsunipjjam take familiapamp chica, cunjämtï jumanacajj sapcatäta uqhamar phokhasa.”

Josué 6:22 Jak'a apnaqawi uñst'ayäwi

2 Samuel 21:2

Davidasti gabaonita jaqinakar jawsayasin jupanakampiw parläna. (Gabaonita jaqinakax janiw israelita jaqinakäpkänti jan ukasti amorreonakat jilt'ir mä qawqha jaqinakänwa; Josué chachan urunakapan israelitanakax jupanakampiw sumankxañatak juramento lurapxatayna. Ukampisa, Saúl reyix jupanakar tukjañpun munatayna, Israelampi, Judá jaqinakampiki taqpach uraq apnaqañapataki).

2 Samuel 21:7

chuymapan Mefi-bóset chachat khuyapt'ayaskchïn ukasa, Tatit nayraqatan mä juramento Jonatanampi lurapxatap layku, uka chachax Jonatanan yuqapänwa, Saúl reyin allchhiparakïnwa

Salmos 15:4

khititix ñanqha lurañarux jisk'achki uka, Tatitur axsartirirus jach'añchki uka; khititix jan walir purkasas arsutap phuqki uka;

Ezequiel 17:13

Ukatsti reyin wila masipankirinakat jilïr yuqaparuw katunti, jupampisti mä arust'äwi luri, jupar taqi chuymampi luqtañapatakiw juramento lurayi, ukatsti aka markat wali aytat jaqinak apasxaraki,

Ezequiel 17:16

Naya, Tatituw juramentompi arsta, khititix uka juramento luratapat phiskaskani, janirak reyit qunt'askasinsa uka arust'äwi lurataparus phuqkarakiniti, ukax pachpa Babilonia uraqin jiwani.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Josué 6:17

Aka markampi, kunanakatix ukan utjki ukanakamppachax q'ala tukjatäniwa, Tatituw ukham lurasiñapatak arsu uka layku. Ukampis Rahab jan wali sarnaqir warmimpiru, utapan imantasitäpkani ukanakarukiw jakañapax qhispiyatäni, khitkäyätan uka uñaqir chachanakar jupan imantatap layku.

Josué 6:23

Jupanakasti Rahab warmin utapar mantasax, awkiparu, taykaparu, jilanakaparu, taqi wila masinakaparuw irpsunipxäna, ukatsti jupanakarux jan kunas kamachañapatakix israelitanakan campamentopat jaya chiqaruw irpapxäna.

Josué 9:15

Ukatsti Josué chachax jupanakampi sumankañatakiw mä arust'äwi luräna, jupanakar jan jiwayañatak arsusa; israelitanakan maynïr jilïrinakapasti uka pacha juramento lurapxarakïna.

Jueces 1:25

Uka jaqisti, kawkha chiqatix markar mantañäki uk uñacht'ayäna, ukatsti uñaqir jaqinakax espadampkamaw uka markan jakirinakarux jiwarayäna; ukampis uñacht'ayiri jaqimpiru, wila masinakapampirux janiw jiwayapkänti.