Josué 6:21 - Qullan Arunaka DC

²¹ Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Aymar Bibliia 1986

²¹ Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Qullan Arunaca

²¹ Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Josué 6:21 Jak'a apnaqawi uñst'ayäwi

1 Reyes 20:42

Ukat profetax reyir säna: —Tatitux akham siwa: “Jumax Siria markan reyiparux jiwayañamänwa, ukampis jumax amparamat jaltaytaxa. Ukat jichhax jakañamamp phuqhäta, markamasti jupan markap lantiw tukusirakini” sasa.

Jeremías 48:18

“Dibón marka, uka jach'a qunuñamat saraqanim, waña uraqir qunt'asim, Moab markar t'unjirix jutantiwa, sayt'asiñ chiqanakamsa t'unjarakiwa.

Deuteronomio 13:16

16 (17) Uka markan taqpach qamir yänakapsti chika plazaruw phint'apxäta, ukatsti ninampiw markarux phichhantapxäta taqi kunanaktix uñisirimat aparanipkta ukanakamp chika, taqpach t'unjasina, ninampi phichhantasina, Tatit Diosamataki nakhantat luqtäkaspas ukhama. Uka markasti laqayanakar tukuyata, jan mayampitaki t'unjataw uñjasini, janirakiw mayamp sayt'ayatäkaniti.

Deuteronomio 2:34

Taqpach markanakap katuntasin t'unjaraktanxa; ukatsti chachanakampiru, warminakampiru, wawanakampiruw jiwaraytanxa, janiw maynirus jakayktanti.

Deuteronomio 7:16

Jumanakasti kawkïri markanaktix Tatit Diosamax amparanakamar katuyapkätam uka markanakarux t'unjapxätawa; jan jumanakax jupanakat khuyapayasipxamti, diosanakaparus jan yupaychapxamti, ukham lurapxätaxa, aynacht'añaruw puripxasma.

Josué 10:28

Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.

Josué 10:39

reyiparu, uka jak'an jakir jaqinakar espadampkam jiwarayasa. Debir markankirinakax jan mayniniw jiwarapxäna; Josué chachax taqinirupuniw tukjäna, kunjämtix Hebrón, Libná markanakaru reyinakapampiru lurkatayna ukhama.

Josué 11:11

ukhamarak khitinakatix ukan jakapkän taqi jupanakaru. Taqi kun q'alpun tukjapxäna, marksa phichhantapxarakïnwa.

Josué 11:14

Uka markanakan jakir jaqinakarusti espadampkamaw jiwarayapxäna, janiw maynirus jakayapkänti, ukatsti uka markanakan utjkatayna uka uywanaksa, utjir yänaksa taq katuntasipxäna.

Josué 8:2

jumasti kunjämtix Jericó markarusa, reyiparusa lurkta, ukhamarak Ai markampiru, reyipampiru luräta, ukampis jichha kutix jumanakaw taqi yänakapsa, uywanakapsa jumanakataki apasinipxäta. Jichhasti Ai markar qhipäx tuqit akatjamat tukjañatak wakicham” sasa.

Josué 8:22

Ukatsti, khitinakatix markar katuntapkän ukanakax mistunxapxänwa, Ai markankirinakasti Israelan paypach tamap taypin katuntat uñjasipxäna, uka tamanakax taqiniruw jan maynin katurasin jiwarayäna.

Josué 9:3

Ukampisa, Gabaón chiqan jakapkän uka heveo jaqinakax, kunjämtix Josué chachax Jericó, Ai markanakar lurkatayna uk yatipxäna,

Apocalipsis 18:21

Ukatsti mä wali ch'aman angelaw mä jach'a qala apti, ukasti molino qalar uñtat jach'änwa, ukatsti jach'a qutaruw jaqunti akham sasa: “Jach'a Babilonia marka, akham jaquntataw uñjasïta, janirakiw mayampsa uñjapkxätamti.

1 Samuel 15:3

Ukhamasti jichhax saram, ukatsti nuwantanim, yänakapamppach tukjanim, janirak jupanakat khuyapt'ayasimti. Chachanaksa, warminaksa, wawanaksa, asu wawanaksa, ukhamarak vacanaksa, ovejanaksa, camellonaksa, asnonaksa taqpach jiwarayanim” —sasa.

1 Samuel 15:8

Agag sata amalecitanakan reyiparusti katuntänwa, taqi ejercitoparusti espadampkamaw jiwarayarakïna.