Josué 6:2 - Qullan Arunaka DC

² Ukampis Tatitux Josué chacharux sänwa: “Nayaw jumarux Jericó marksa, reyipsa, soldadonakapsa amparamar katuysma.

Aymar Bibliia 1986

² Ucampis Josué chacharojj Diosajj sänwa: “Nayaw jumaru aca Jericó marca amparamar catuysma, uqhamaraqui reyipsa, soldadonacapsa.

Qullan Arunaca

² Ucampis Josué chacharojj Diosajj sänwa: “Nayaw jumaru aca Jericó marca amparamar catuysma, uqhamaraqui reyipsa, soldadonacapsa.

Josué 6:2 Jak'a apnaqawi uñst'ayäwi

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

Nehemías 9:24

Jupanakasti Canaán uraqir mantasin uka uraq katuntasipxäna; jupanakan nayraqatapan uka uraqin jakir jaqinakampiru, reyinakapampir jisk'achjtaxa, ukatxa uka chiqan jakirinakarusa amparanakaparuw katuytaxa, jupanakaru kuntix munapki uk lurapxañapataki.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Deuteronomio 7:24

Reyinakaparus jumanakaruw katuyapxätam, ukatsti jumanakaw jupanakarux chhaqtayapxäta aka uraqin khitis jupanakat jan amtaskiri. Janiw jupanakat khitis jumanak nayräxan sayt'asirjamäkaniti, jumanakaw taqi jupanakarux jiwarayapxäta.

Josué 12:9

Israelitanakax aknïr markanakan reyinakaparuw atipt'äna: Jericó marka, Betel jak'ankir Ai marka,

Josué 2:24

Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Josué 2:9

—Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.

Josué 20:1

Tatitux Josué chacharux sänwa:

Josué 6:1

Jericó markarux janiw khitis mantkänti, janirakiw mistkänsa. Uka markan punkunakapax israelitanakar axsarasax jist'antatänwa.

Josué 6:3

Jumanakasti, Israelit soldadonaka, suxta uruwa, urun mä kuti Jericó marka muytapxäta.

Josué 8:1

Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Jueces 11:21

Ukampis Israel markapan Tatitu Diosapaw Sihón reyin ejercitoparu atipt'ayapxitu, ukat nanakax taqi uka chiqankiri amorreonakan uraqip katuntasipxta:

Jueces 11:24

Quemós diosamatix mä kunsa jumankañapatak churätam ukaxa, jumax ukanakxa jumankirit uñt'astaxa, ¿janich ukhamäkixa? Uka kipkarakiw nanakax kuntix Tatitux nanakar churapkitu ukanakxa, nanakankirit uñt'asxapxta.