Josué 6:18 - Qullan Arunaka DC

¹⁸ Jumanakasti janiw markan utjir yänakapat kunsa aptasipxätati, janirakiw llamkt'apxätasa, jan ukasti taqiw t'unjatäñapa Tatitur luqtatäkaspas ukhama. Jumanakatix ukham lurapxäta ukkhaxa, Israelan campamentoparux jan walt'añaruw puriyapxäta.

Aymar Bibliia 1986

¹⁸ Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Qullan Arunaca

¹⁸ Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Josué 6:18 Jak'a apnaqawi uñst'ayäwi

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

Eclesiastés 9:18

Nuwasiñ yänakat sipansa, yatiñ kankañaw askixa. Mä sapa pantjasiñakiw jach'a t'unjasiñarux puriyi.

Jonás 1:12

Jonasasti jupanakarux sänwa: —Qutar jaquntapxita, ukat mathapinakax t'akurxani, nayaw juchanïtxa aka jach'a thayan jumanakxar jutañapataki —sasa.

Romanos 12:9

Maynit maynikamax chiqpach chuymampi munasipxam, ñanqha lurañ apanukupxam, ukatsti aski lurañar katuyasipxam.

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Efesios 5:11

Ch'amakankirinakan jan wali sarnaqäwipampix jan chikachasipxamti, jan ukasti, uka jan wali luräwinak qhanar apsupxam.

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

Deuteronomio 23:10

10 (11) Jumanakat maynitix arum ikiskasin chhuxurasiñapat aywiyatap layku q'añu jikxatasini ukasti, uka jaqix campamento anqaruw mistuni, ukatsti jayp'untañkamaw uka anqankani.

Deuteronomio 7:26

Ukhamasti, jumanakax utanakamar kunatix ñanqhachatäki ukanak jan apasipxamti, taqi ukanakax ñanqhachatawa, uk lurapxäta ukasti, jumanakas t'unjataw uñjasipxarakïta.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 7:13

Sartasim, ukatsti Israel markar tantacham. Jupanakasti wakichasipxpan, nayan nayraqataxan qharüru uñstapxañapataki. Naya, Israelan Tatitu Diosapaw akham arsta: ‘Jumax Israel marka, kunatix taqi tukjatäñapäkän ukat apaqastaxa, janitix jumax ukanak tukjkäta, jaqunukkarakïta ukaxa, janiw uñisirinakamarux saykatkasmati.’

Josué 7:15

Khitin amparapantix uñstkani kunatix tukjatäñapäkän ukaxa, wila masinakapampi, taqpach yänakapampiw ninampi phichhantatäni, Israel markaru p'inqachayatapata, ukhamarak Tatitumpi arust'äwi jan phuqhatap layku.

Josué 7:25

Josué chachasti Acán chacharux sänwa: —¿Kunatarak aka jan walt'añanakar puriyapxistasti? Jichhasti, Tatituy jumarux uka jan walt'añanakar nanakar puriyatamat mutuypan —sasa. Uk sasinsti, israelit jaqinakax taqiniw Acán chacharu, utapankirinakaparu qalamp k'upjasa jiwayapxäna, ukatsti ninampiw phichhantapxarakïna.

1 Juan 5:21

Wawanaka, k'ari diosanakat amuyasipxam.

1 Samuel 15:9

Ukampisa, Saúl reyimpi ejercitopampix janiw Agag reyirux jiwayapkänti, janirakiw suma ovejanaksa, urqu vacanaksa, lik'i vaca qallunaksa, urqu ovejanakapsa jiwarayapkänti, wali jila alani yänaksa t'unjapkänti, jan ukasti, juk'a alani yänakak t'unjapxäna.