Josué 5:13 - Qullan Arunaka DC

¹³ Mä urusti, Josué chachax Jericó marka jak'ankasin, jupan nayräxapan mä chacharuw uñjäna, amparapar espadas apt'ata. Josué chachasti jupar jak'achasisin akham jiskt'äna: —¿Jumax nanakankirïtati, jan ukax uñisirinakaxankirïtacha? —sasa.

Aymar Bibliia 1986

¹³ Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Qullan Arunaca

¹³ Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Josué 5:13 Jak'a apnaqawi uñst'ayäwi

Génesis 18:1

Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Génesis 18:2

Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna,

Génesis 28:16

Samkat sartxasinsti, Jacobux wali mulljataw sarakïna: “Chiqpachapuniw Tatitux akawjankaski, janiw nayax uk yatkayätti” sasa.

Génesis 33:1

Kunapachatix Jacobux Esaú jilaparu pusi pataka jaqinakampi jutaskir uñjkäna ukkhaxa, wawanakxa Liampiru, Raquelampiru, pani uywatanakapampiruw lakiräna.

Génesis 33:5

Ukatsti Esaú jilapax warminakaru, wawanakaru uñkatasin jiskt'arakïna: —¿Khitirak jupanakasti? —sasa. Jacobux sarakïnwa: —Tatit Diosax nayat khuyapt'ayasitu, jupasti taqi aka wawanak nayar churitu —sasa.

1 Crónicas 12:22

22 (23) Urut urutjamaw Davidar yanapt'irix juk'ampi purinipxäna, ukatsti mä jach'a ejército tamaw tuküna.

1 Crónicas 21:27

Ukhamasti Tatitux angelar espadap imasxañapatakiw mayïna.

1 Crónicas 21:30

Davidax janiw uka chiqar Diosar jiskt'asirix sarirjamäkänti, Tatitun angelapar espadan uñjasax wal axsaräna.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Daniel (hebreo) 10:5

Akatjamat uñtta mä jaqir sayaskiri, jupax linot lurat isimp isthapitänwa, wak'apasti suma qurit luratänwa.

Daniel (hebreo) 8:3

Nayax jayaruw uñtta, ukatsti uka jawir thiyat mä urqu oveja mistusinkir uñjta. Uka ovejax pä jach'a waxranïnwa, uka waxranakat mayax qhipakiw mistutayna, ukampis uka waxrax mayäkis ukat juk'amp jach'änwa.

Zacarías 1:8

Uka arumasti akham unañchäwi uñjta: Mä jaqir wila caballor lat'xatata uñjta. Uka jaqisti mä qhirwan mirtos sat ch'uxña alinak taypin sayt'atäskänwa, qhipäxapansti yaqha jaqinakarakiw utjäna, ukanakasti wila, ch'umphi, janq'u caballonakar lat'xatatarakïnwa.

Números 22:23

Qachu asnosti Tatitun angelapar espadas ayt'asit chika thakhin sayt'at uñjasaxa, thakhit maysaruw saranuküna, yaqha tuqinjam sarasa; ukampis Balaamax wal asnorux jawq'jäna, thakhir kuttayaniñataki.

Números 22:31

Ukapachaw Tatitux Balaaman nayrap jist'ari, Balaamasti Tatitun angelapar espadas ayt'at thakhin uñjäna. Ukat jupax ajanup uraqir puriyañkam alt'äna.

Hechos 1:10

Alaxpacha uñtat Jesusar uñch'ukisipkipansti, janq'u isini pani chachaw jupanak thiyan uñstäna.

Josué 6:2

Ukampis Tatitux Josué chacharux sänwa: “Nayaw jumarux Jericó marksa, reyipsa, soldadonakapsa amparamar katuysma.

Apocalipsis 1:13

uka paqallqu candeleronak taypinsti mä jaqjam uñjta, niyas Jaqin Yuqapar uñtata, isipasti kayukamänwa, jaraphipäki ukkharusti quri wak'ampi wak'antata.

Jueces 13:11

Manoa chachasti sarthapisin jank'akiw warmipamp chika kawkhankkäntix uka chachax ukar saräna, juparusti sänwa: —¿Jumätati warmixampi nayrüru parlki ukaxa? —sasa. Uka chachasti sänwa: —¡Jïsa, nayätwa! —sasa.

Jueces 13:22

ukat warmiparux säna: —Jiwañäniwa, Tatituruw uñjtan —sasa.