Josué 5:11 - Qullan Arunaka DC

¹¹ Uka urusti jupanakax jan levaduran t'ant'ampi, trigo jamp'itampi manq'apxäna, ukampis qhipürux kuntix uraqin achkäna ukanak manq'xapxäna.

Aymar Bibliia 1986

¹¹ Pascua fiesta urusti israelit jakenacajj jan levaduran t'ant'a, uqhamarac trigo jamp'ita ucac mank'apjjäna, uca khepa urutsti yaputa achcäna ucaraqui mank'jjapjjäna.

Qullan Arunaca

¹¹ Pascua fiesta urusti israelit jakenacajj jan levaduran t'ant'a, uqhamarac trigo jamp'ita ucac mank'apjjäna, uca khepa urutsti yaputa achcäna ucaraqui mank'jjapjjäna.

Josué 5:11 Jak'a apnaqawi uñst'ayäwi

Levítico 23:14

Tatitun ukaru waxt'anakam apaniñkamasti, janiw t'ant'sa, trigo jamp'sa, jan ukax chhuyu trigsa manq'apxätati. Kawkhansay jakasipkam, aka kamachisti jumanakatakixa, wawanakamatakis wiñayatakipunïniwa.

Levítico 23:6

“Uka pachpa phaxsina tunka phisqani uru saraqatarusti, jan levaduran t'ant'anak manq'añ phunchhäwi amtapxarakïta. Paqallqu urunakaw jan levaduran t'ant'a manq'apxäta.

Números 15:19

ukatsti ukan achur trigo apthapisin manq'añ qalltapkät ukapachasti, uka achunakat mä qawqha nayar luqtañatak yaqhachapxäta.

Josué 5:10

Israelitanakax Guilgal chiqaruw utjnuqtapxäna, ukatsti phaxsit tunka pusin uru saraqataruw jupanakax Jericó pampanakan Pascua uruyapxäna.

Josué 5:12

Ukat uksarusti Diosax janiw mayampsa maná manq'xa apayankxänti, ukhamasti israelitanakax kunatix Canaán uraqin achkäna ukaki uka marax manq'asipxäna.