Josué 4:24 - Qullan Arunaka DC

²⁴ Ukhamat uraqinkir taqi markanakax kunja ch'amanïkitix Tatitux uk yatipxani, jumanakasti Tatitu Diosamarux jach'añchapxapunïtawa” sasa.

Aymar Bibliia 1986

²⁴ Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

Qullan Arunaca

²⁴ Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

Josué 4:24 Jak'a apnaqawi uñst'ayäwi

1 Reyes 8:40

Ukhamat jaqinakax, nayra awkinakaxar churkta uka uraqin jakañapkamax jumar axsartapxätam.

1 Reyes 8:60

ukhamat aka uraqinkir taqi markanakax, Tatitun Diosätapa, yaqhax jan utjatapa yatipxañapataki.

2 Reyes 19:19

Jichhasti, nanakan Tatit Diosaxay, Senaquerib reyin ch'amapat qhispiyapxitaya, ukhamat aka uraqinkir markanakan juma Tatitu Diosaki utjatap yatipxañapataki” sasa.

2 Reyes 5:15

Ukat jupampi, jupa chik jutirinakampisa, Eliseon ukaruw sarapxäna. Jupan ukar purisinsti, Naamanax sänwa: —¡Jichhax yatxtwa, taqi uraqpachan janiw Israelan Diosapjam yaqhax utjkiti! Jichhasti achikt'asïma, mä churäwiy naya, luqtirimat katuqt'asita —sasa.

1 Crónicas 29:12

Qamirïñasa, jach'ar aptatäñas jumat juti. Jumaw taqi ukanak apnaqta. Ukatsti ch'amasa, munañanïñ kankañas amparamankiwa, jach'ar aptatäñasa, munañan kankañ churañas amparamankarakiwa.

Job 40:9

¿Jumax nayjam ch'amanïtati? ¿Jach'at arsutamas nayan arsutaxjamati?

Salmos 106:8

Ukampis juma, Diosaw jupanakarux qhispiyäyätaxa, ukhamat juman sutimax jach'achatäñapataki.

Salmos 89:13

13 (14) Amparamax taqi ch'amaniwa; kupi amparamasti wali ch'amaniwa.

Salmos 89:7

7 (8) Taqi ch'aman axsarkay Diosätawa, alaxpachankirinakampi muyuntatätawa.

Éxodo 14:31

Israelitanakax kunjämtix Tatitux jach'a ch'amapampi egipcionakar tukjkäna ukanak uñjasinsti, Tatitur axsartapxänwa, ukat jupar iyawsapxäna, Moisés luqtiriparus jaysapxarakïna.

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 20:20

Moisesasti israelitanakarux sarakïnwa: —Jan axsarapxamti. Diosax jumanakar yant'iriw juti, jupar axsartasapun sarnaqapxañamataki, ukhamat jucha jan lurapxañamataki —sasa.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Isaías 52:10

Tatitux taqi markanakan uñjkataw jach'a ch'amap uñacht'ayi. Jiwasan Diosasax qhispiykistu ukxa, taqi aka uraqpacharakiw yatini.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Deuteronomio 28:10

Taqi akapach uraqin utjir markanakasti Tatitun sutipan jumampïtap uñjapxani, ukat jumar axsarapxätam.

Deuteronomio 6:2

Ukhamat jumanakax Tatit Diosamar jach'añchapxäta, ukatsti taqi jakañaman phuqhapxarakïta, jichhürun jumanakaru, wawanakamaru, allchhinakamar churapksma uka kamachinakampi, kamachi arunakampi, ukhamat walja maranak jakapxarakïta.

1 Samuel 17:46

Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,