Josué 4:13 - Qullan Arunaka DC

¹³ Niya pusi tunka waranqa chachanakaw nuwasiñatak wakicht'ata, Tatitun arust'awi arcap nayraqatan sarakipapxäna, ukatsti Jericó pampanak tuqiruw mistuwayapxäna.

Aymar Bibliia 1986

¹³ Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.

Qullan Arunaca

¹³ Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.

Josué 4:13 Jak'a apnaqawi uñst'ayäwi

2 Reyes 25:5

Ukampis Babiloniankir soldadonakax Sedequías reyirux arktapxänwa, ukatsti juparux Jericó pampan jikxatapxäna. Sedequiasan ejercitopasti taqpachaniw jupar apanukusin jaltxapxäna.

Éxodo 13:18

Ukat Tatitux israelitanakar wasaranjam Mar Rojo qutar sarki uka thakhinjam muytayäna. Israelitanakax mä ejercitor uñtataw Egiptot mistsuwayapxäna.

Jeremías 39:5

Ukampis Babiloniankir soldadonakax Sedequías reyiruw arktapxäna, ukatsti Jericó pamparuw jikxatapxäna. Katuntasinsti Nabucodonosor reyin nayraqataparuw irpapxäna; uka reyisti Riblá sata uka chiqankaskänwa, Hamat sata uraqina. Ukan Nabucodonosor reyix mä juchañchäwi mistuyäna: pachpa Sedequiasan uñjkataw wawanakaparux p'iqi khariqas jiwarayäna, ukhamaraki Judá uraqin apnaqapkän taqi uka jach'a jilïrinakaparusa.

Jeremías 52:8

Ukampis babilonio soldadonakax Sedequías reyirux arktapxänwa, juparusti Jericó pampan jikxatapxäna. Ejercitopasti taqpachaniw jupar apanukuwayasin sarawayxapxäna.

Números 32:17

Ukampis nanakax ejerciton nayraqatap sarantapxä, ukatsti mayni ayllunakamp chikaw nuwasiñatak wakichrantasipxä, jupanakan jakañatak uraqip utjañapkama. Ukchañkamasti wila masinakaxax suma sayt'ayat markanakan qhiparapxani, uka chiqan jakirinakax jupanakar jan kuna jan walsa lurasipkañapataki.

Efesios 6:11

Diosax churapktam uka nuwasiñ yänakampi jark'aqasipxam, ukhamat sallqantir supayarux saykatañäni.

Deuteronomio 3:18

“Uka urun nayax akham iwxapxaraksma: ‘Jumanakan Tatit Diosamaw aka uraqi jumanakar katuyapxtam. Khitinakatix nuwasiñ yatipkta ukanakax nuwasiñ yänakam apxarusin israelit jilanakam nayräxap sarantapxam.

Josué 4:12

Ukatsti kunjämtix Moisesax arsuwaykatayna ukhamarjamaw Rubén, Gad, ukhamarak Manasés ayllun chikat jaqipat nuwasir jaqinakax jawir khurkataru makhatapxarakïna. Jupanakasti nuwasiñ yänakani wakicht'atkamakiw makhatapxäna, ukatsti maynïr israelitanakan nayräxap sarapxäna.

Josué 4:14

Tatitusti uka urux Josué chachar taqpach Israel marka nayraqatan jach'añchi, jupanakasti yäqapxänwa, kunjämtix Moisesaru jakañapkam yäqapkäna ukhama.

Josué 5:10

Israelitanakax Guilgal chiqaruw utjnuqtapxäna, ukatsti phaxsit tunka pusin uru saraqataruw jupanakax Jericó pampanakan Pascua uruyapxäna.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.