Josué 3:6 - Qullan Arunaka DC

⁶ Sacerdotenakarusti sarakïnwa: “Tatitun arust'äwi arcap aptawayapxam, ukatsti jaqinakan nayräxap jawir makhatapxam” sasa. Sacerdotenakasti Tatitun arust'äwi arcap apxaruwayapxäna, ukatsti jaqinakan nayräxap apapxäna.

Aymar Bibliia 1986

⁶ Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Qullan Arunaca

⁶ Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Josué 3:6 Jak'a apnaqawi uñst'ayäwi

1 Reyes 8:3

Ukarusti Israelan taqpach jilïr jaqinakapaw purinipxäna, ukat sacerdotenakax arca apxarupxäna,

2 Crónicas 5:4

Israelankir taqi jilïri jaqinakaw purinipxäna, levitanakasti Tatitumpi arust'äwiru mantat arca apxarupxäna,

Miqueas 2:13

Tatituw jupanakatakix thakhi jist'arani, jupanakasti uka thakhinjam arkapxarakini, marka punku chiqaw mistuwayapxani. Tatitu reyipasti, jupanakan nayrap sararakini.

Números 10:33

Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Números 14:15

Jumatix aka markar may jawq'antasin jiwayäta ukkhax, juman jach'a kankañamat yatir markanakax sapxaniwa:

Hebreos 6:20

kawkirutix Jesusax jiwasatak thakhi jist'arañatak mantkän ukawjaru, ukhamaw Jesusax wiñayatak mä Jilïr sacerdote tukuwayi, Melquisedec sacerdotjama.

Josué 3:3

ukatsti israelitanakarux akham sapxäna: “Kunapachatix Tatitun arust'äwi arcap levita sacerdotenakar apaskir uñjapkät ukkhaxa, kawkhankapktatix ukkhat mistunipxäta, ukatsti qhipap arkapxäta,

Josué 3:5

Josué chachasti jupanakarux sänwa: “Q'umachasipxam, Tatitux qharüru willjtax muspharkañ luräwinak jumanak taypin lurani” sasa.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

Josué 6:6

Josué chachax sacerdotenakar jawsasinxa sänwa: “Tatitun arust'äwi arcap apapxam, jumanakat paqallqunix waxrat lurat trompetanak apt'ata arcan nayräxap sarapxam” sasa.