Josué 3:17 - Qullan Arunaka DC

¹⁷ Israel markasti taqpachaniw Jordán jawir wañanjamaki makhatapxäna, ukchañkamasti Tatitun arust'äwi arcap apapkäna uka sacerdotenakax chika jawir taypin waña uraqin sayt'atäsipkänwa.

Aymar Bibliia 1986

¹⁷ Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Qullan Arunaca

¹⁷ Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 3:17 Jak'a apnaqawi uñst'ayäwi

2 Reyes 2:8

Ukat Eliasax patxa isip llawthapisinxa, ukampiw umar jisktäna, jawir umasti payaruw jaljtawayäna, ukatsti panpachaniw uka jawir waña uraqinjam makhatawayapxäna.

Salmos 66:6

lamar qutarux waña uraqiruw tukuyäna, nayra awkinakasax wañanjam jawir makhatapxäna; ¡jichhasti Diosampi kusisipxañäni!

Éxodo 14:21

Moisesasti amparap qutxar luqtäna, ukatsti Tatitux inti jalsu tuqit arum paqaraw wal thayt'ayanïna, qutsti payaruw jaljtayäna. Ukhamat qutax payar jaljtasin waña uraqir tuküna.

Éxodo 14:22

Ukatsti israelitanakax waña uraqinjam quta makhatapxäna. Uma jaljtatasti pä jach'a pirqar uñtatänwa, mayax kupi tuqina, mayasti ch'iqa tuqina.

Éxodo 14:29

Ukampisa, israelitanakax quta taypi waña uraqinjam makhatapxäna, pä uma pirqa taypinjama, mayax kupïxana, mayasti ch'iqäxana.

Isaías 25:8

Tatitux wiñayatakiw jiwañarux t'unjani, taqi jaqinakan jachanakapsa picharaniwa, markapan aynacht'atapsti taqi aka uraqpachat chhaqtayxani. Tatituw ukham arsu.

Números 33:51

“Israelitanakar akham sarakim: Jumanakax Jordán jawir makhatapkäta, ukatsti Canaán uraqir mantapkät ukkhaxa,

Hebreos 11:29

Israelitanakax iyawsäwi laykuw Mar Rojo sat qutxa wañanjam makhatapxäna; ukatsti, kunapachatix egipcionakax ukham makhatañ munapkarakïn ukkhaxa, umampi axskatasaw jiwarapxäna.

Josué 4:1

Kunapachatix israelit jaqinakax taqini Jordán jawir makhatxapxän ukkhaxa, Tatitux Josué chacharuw säna:

Josué 4:10

Tatitun arust'äwi arcap apapkäna uka sacerdotenakasti Jordán jawir taypin qhiparapxäna, ukchañkamasti israelitanakax kuntix Tatitux Josué tuqi jupanakan lurapxañapatak siskäna ukanak phuqhasipkäna. Taqi kunas kunjämtix Moisesax Josué chachar iwxkatayna ukhamarjamaw phuqhasïna. Jaqinakasti jank'akiw jawir makhatapxäna,

Josué 4:11

ukatsti kunapachatix taqini jawir khurkatankxapxän ukkhaxa, sacerdotenakax Tatitun arcap apt'ataw makhatapxäna, ukatsti jaqinakan nayräxap sarapxäna.

Josué 4:22

jumanakasti jupanakarux kunjämtix Israel markax Jordán jawir wañanjam makhatkäna uk yatiyapxäta,

Josué 4:3

jupanakarusti sarakim, jawir taypita, kawkhantix sacerdotenakax sayt'atäpkän ukawjat tunka payan qalanak apsunipxpan, ukatsti uka qalanak apasin kawkhantix jichha arumax samarapkäta ukawjar uchapxpan” sasa.

Josué 5:1

Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.