Josué 3:11 - Qullan Arunaka DC

¹¹ Uñtapxam, Tatitun arust'äwi arcapaw jumanakan nayraqatam Jordán jawir makhatani.

Aymar Bibliia 1986

¹¹ Uñtapjjam Diosan Arust'äwi Arcapaw jumanacan nayrakatama Jordán jawir pasani.

Qullan Arunaca

¹¹ Uñtapjjam Diosan Arust'äwi Arcapaw jumanacan nayrakatama Jordán jawir pasani.

Josué 3:11 Jak'a apnaqawi uñst'ayäwi

1 Crónicas 29:11

¡Tatay, jach'a kankañasa, ch'amanïñasa, jach'ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa.

Job 41:11

11 (3) ¿Jupampi nuwasiñ munirix, jan kuna kamacht'atakit uñjasispasti? ¡Janiw maynis aka uraqin jupampi nuwasirix utjkiti!

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Salmos 97:5

Qullunakax lik'ir uñtataw umatati, taqpach uraqin Tatitun nayraqatapana.

Isaías 3:12

Mä jisk'a yuqallakiw markaxar t'aqhisiyirixa, marka apnaqäwix warminakan amparapankiwa. Markaxay, irpirinakamax k'arintapxtamwa, pantat thakhinakanjam irptamxa.

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Miqueas 4:13

¡Jerusalén marka, jichhax tukjañatak sartasim! Tatitusti siwa: “Nayaw jumarux mä urqu vacarjama ch'am churäma, waxranakamas hierrotjamarakïniwa, kayu sillunakamas broncetjamaraki, ukhamat walja markanakar t'unjañamataki. Kuna yänakaptix lunthatasiñampi jikxatatäki ukanakxa, jumaw q'al aparäta, uksti nayaruw katuyxitäta, aka uraqpachan Tatituparu.”

Sofonías 2:11

Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Zacarías 14:9

Uka uruw Tatitux taqi akapach apnaqani. Jupa sapakiw Tatitünixa, sutipasti mä sapakirakïniwa.

Zacarías 4:14

Jupasti sarakituwa: “Uka pä olivox Zorobabelampi, Josué chachampiwa. Taqi aka uraqini Tatituw jupar luqtiritak jupanakar ajllisi” sasa.

Zacarías 6:5

Angelasti sarakituwa: “Aka carronakax pusi tuqinkir alaxpach thayanakawa, akapach apnaqir Tatitun nayraqatapat taqi akapach muytiriw mistunipxi.

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Josué 3:13

Kunapachatix sacerdotenakax taqi akapachankir Tatitun arust'äwi arcap apapkani, ukatsti umar takt'apkani ukkhasti, jawir umanakax payaruw jaljtani, alay tuqit jutir umanakax mayäwjaruw mä pirqar uñtat sayt'ani” sasa.