Josué 3:10 - Qullan Arunaka DC

¹⁰ Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.

Aymar Bibliia 1986

¹⁰ Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Qullan Arunaca

¹⁰ Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Josué 3:10 Jak'a apnaqawi uñst'ayäwi

Génesis 15:21

amorreo, cananeo, gergeseo, jebuseo taqi ukanakan uraqinakap wawanakamar churä —sasa.

1 Reyes 22:28

Micaías profetasti saskakïnwa: “Jumatix nuwasïwit jan kamacht'at kutt'anïtaxa, Tatitux janiw naya tuqi parlkpachati, sañ munani” sasa. Ukxarusti sarakïnwa: arunakaxar ist'apxam, sasa.

2 Reyes 19:4

Inasa Tatit Diosamax ist'chi kuna arunaktix Asiriankir reyin khithanit yanapiripax jakkir Diosar ñanqhachasa siski uka, inachay Tatit Diosamax uka arunak ist'asin jupar mutuyaspa. Jichhasti Tatitut mayim jilt'ir israelitanakat khuyapayasiñapataki” sasa.

1 Crónicas 1:14

Canaán chachat saraqirinakax akanakänwa: jebuseo, amorreo, gergeseo,

Salmos 42:2

2 (3) Nayax jakkir Diosat pharjatätwa: ¿Kunapacharak Diosan nayraqatapar uñstir sarästi?

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Éxodo 17:7

Uka chiqarusti Meribá sasaw sutichäna, israelitanakan jupatak arusipxatap layku, ukatsti Masá sutimpiw ucharakïna, Diosar yant'apxatap layku: “¿Tatitux jiwasanak taypinkiti, janicha?” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 33:2

Nayaw angelaxar jumar irpañapatak khithanï, ukatsti uka uraqit nayaw cananeonakaru, amorreonakaru, hititanakaru, ferezeonakaru, heveonakaru, jebuseonakarus jaqunukü.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Deuteronomio 31:17

Ukampis q'apisiñaxaw jupanakatak aqtani, jupanakarusti apanukurakïwa; janiw kunatakis jupanakat amtaskäti, jan walt'añanaka, llakisiñanak jupanakxar apayanï, ukat jupanakax sapxani: ‘¿Tatit Diosasasti janit jiwasampïkxpacha, ukatti aka t'aqhisiñanakan jikxataspachätansti?’ sasa.

Deuteronomio 5:26

¿khiti jaqirak jiwasanakjam jakkir Diosan arup nina taypit parlaskir ist'asin, jan jiwkisti?

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.

1 Tesalonicenses 1:9

Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,

Hebreos 10:31

¡Jakkir Diosan amparapar jalt'añax axsarkayapuniwa!

Josué 11:3

inti jalsu, inti jalanta tuqinkir cananeo, amorreo, hitita, ferezeo jaqinakampi, qullunakankir jebuseonakampi, Mispá uraqin Hermón sat qullunkir heveonakampi.

Josué 12:8

qullu uraqinaka, pampa uraqinaka, Jordán qhirwanaka, qullu irananaka, wasar uraqinaka, ukhamarak Négueb sat uraqinaka. Uka uraqinakasti hititanakana, amorreonakana, cananeonakana, ferezeonakana, heveonakana jebuseonakan uraqipänwa.

Josué 21:45

Kuntix Tatitux israelitanakar arsuwaykäna uka arunakax taqipuniw phuqhasïna.

Josué 22:31

Ukat Finees sacerdotex jupanakar säna: —Jichhasti yattanwa, Tatitun jiwasanak taypinkaskatapa; jumanakax janirakiw Tatitutak sayt'asiñ amtapkatätati, ukhamat jichhax Tatitun mutuyäwipat Israel markax qhispita uñjasi —sasa.

Josué 24:11

Ukatsti jumanakax Jordán jawir makhatasin Jericó markakam purinipxtaxa. Jericó marka jakapkän uka amorreonaka, ferezeonaka, cananeonaka, hititanaka, gergeseonaka, heveonaka, jebuseo jaqinakax, jumanakampiw nuwasipxäna, ukampis nayaw jumanakarux atipt'ayapxsma.

Josué 3:9

Josué chachasti israelitanakarux sänwa: “Aksar jutapxam, ukatsti kuntix Tatitu Diosamax parlapkätam uk ist'apxam.

Josué 9:1

Hititanakana, amorreonakana, cananeonakana, ferezeonakana, heveonakana, jebuseonakan reyinakapax kunatix luraskatayna ukanak yatipxäna. (Uka reyinakax Jordán jawirat inti jalanta tuqina, qullu tuqinakana, pampa tuqinakana, jach'a Mediterráneo quta irananakana, Líbano chiqanakan jakapxäna.)

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 26:6

Ukat Davidax Ahimélec hitita jaqimpi, Joab sata Abisai jilapampi, Seruiá jaqin yuqapäki ukanakampi parläna, jupanakarusti jiskt'arakïnwa: —¿Khitis nayamp chika Saúl reyin campamentopar sarañ muni? —sasa. Abisai jaqisti sänwa: —Nayaw jumamp chika sarä —sasa.