Josué 24:23 - Qullan Arunaka DC

²³ Josué chachasti jupanakarux saskakïnwa: —Ukhamasti jumanak taypin utjki uka yaqha diosanak apanukupxam, ukatsti taqi chuymampirak Israelan Tatitu Diosapar arkapxam —sasa.

Aymar Bibliia 1986

²³ —Jichhasti jumanac taypitjja apanucupjjam uca yakha diosanacaru, ucatsti Israelan Tatitu Diosaparu take chuymampi arcapjjam —sasa.

Qullan Arunaca

²³ —Jichhasti jumanac taypitjja apanucupjjam uca yakha diosanacaru, ucatsti Israelan Tatitu Diosaparu take chuymampi arcapjjam —sasa.

Josué 24:23 Jak'a apnaqawi uñst'ayäwi

1 Reyes 8:57

“Jichhasti, Tatitu Diosax jiwasampïpan, kamisatix nayra awkinakasampïkän ukhama. Janipuni apanukustpanti, janirak jaytistpansa,

1 Reyes 8:58

jan ukasti, chuymanakasxa jupa tuqir wayusiyistpan taqi kunansa jupan munañap lurañasataki, ukatsti kamachi arunakapsa, arsüwinakapsa phuqhañasataki, nayra awkinakasar phuqhapxañapataki churkäna ukanaka.

Salmos 119:36

Arsutanakamaruy chuymax alkatayita, janikiy inampst'añar puriyistati.

Salmos 141:4

Ñanqha lup'iñ amuy apaqt'ita; ñanqha lurañanak jan lurayistati, janirak ñanqha lurir jaqinakan manq'äwipan chikachasiyistati.

Salmos 81:10

10 (11) Nayaw Tatitu Diosamätxa, nayaw Egipto markat irpsunsma, kuns manq'añ munta, nayax jilarkir churäma” sasa.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Proverbios 2:2

yatiñ kankañarus ist'äta; taqi chuymampi ch'ikhi kankañar alkatarakïta;

Oseas 14:8

8 (9) Israelitanakasti sarakiniwa: ‘Kunäskpas jichhax yaqha diosanakaxa’ sasa. ¡Nayaw uñjasta, markaxarus imasirakta! Nayax pino quqjam ch'uxñakipunïsktwa, markaxax nayanwa achup jikxatarakini.”

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.