Josué 24:12 - Qullan Arunaka DC

¹² Uka pani amorreo reyinakarux janiw jumanakax espadanakampi, arconakampi atipjapktati, jan ukasti nayaw chuymanakapar jumanak nayraqatan axsarañ uchta, ukat jupanakax jumanakas janïr puripkta ukkhax jaltxapxi.

Aymar Bibliia 1986

¹² Uca pani amorreonacan reyiparojj janiw jumanacajj espadampi ni arcompisa atipapctati jan ucasti nayaw chuymanacapar ajjsarañ uchta, jumanac nayrakatana. Ucat jupanacajj janïra jumanacas puripcta jupanac thiyaru ucqhaw jaltjjapjjäna.

Qullan Arunaca

¹² Uca pani amorreonacan reyiparojj janiw jumanacajj espadampi ni arcompisa atipapctati jan ucasti nayaw chuymanacapar ajjsarañ uchta, jumanac nayrakatana. Ucat jupanacajj janïra jumanacas puripcta jupanac thiyaru ucqhaw jaltjjapjjäna.

Josué 24:12 Jak'a apnaqawi uñst'ayäwi

Salmos 135:11

amorreo uraqinkir Sihón reyiru; Basán uraqinkir Og reyiru, Canaán uraqinkir taqpach reyinakaru;

Salmos 80:10

10 (11) Ch'iwipax qullunak imt'äna, layminakapasti jach'a quqanakaruw imt'arakïna.

Salmos 80:9

9 (10) Jumaw uraq sum q'umachtaxa, uva alisti, saphintänwa, uraqpacharuw phuqhantarakïna.

Éxodo 23:28

Juman nayraqatamsti avispa mich'isir chhichhillankhanak khithä, ukaw heveonakaru, cananeonakaru, heteonakar alisnukuni.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Números 21:31

Ukhamat israelitanakax amorreonakan uraqinakap katuntasipxäna.

Números 21:32

Moisesax Jazer marka uñaqayir khitharakïnwa. Israelitanakasti uka marka katuntasipxäna, uka jak'anakankir markanakampi, ukatsti ukan jakir amorreo jaqinakarux jaqunukupxänwa.

Deuteronomio 31:4

Tatituw jumanakar saykatir markanakarux t'unjaskani, kunjämtix Sihón, Og sat amorreo jaqinakan reyinakaparu, taqpach markapamppachar t'unjkän ukhama.

Deuteronomio 4:46

Jordán jawirat inti jalsu tuqin jikxatasipkän ukapacha, Bet-peor sat uraqi uñkatas qhirwana; amorreonakan Sihón sat reyipan uraqipana. Sihón reyisti Hesbón markan jakäna, ukatsti Moisesampi Israel markampiw jupar atipjapxäna, israelitanakax Egipto markat mistunipkän ukapacha.

Deuteronomio 4:47

Israelitanakasti Sihón reyin taqpach uraqinakap katuntäna, Og sat Basán markan reyipan uraqinakapamppacha, Jordán jawirat inti jalsu tuqin jakapkän uka pani amorreo reyinakan uraqinakapa.

Deuteronomio 7:20

Ukhamarusa, Tatitux jupanak taypir wali axsarkañanak apayanini, jiwañat qhispirinakampiru, imantasirinakampir jiwarayañataki.

Josué 2:10

Nanakax yatipxtwa, kunjämtix Tatitux Egipto markat mistunipkta ukkhax, uka Mar Rojo quta wañt'aykäna, ukat ukanjam jumanakan makhatapxañamataki ukxa. Ukatsti kunjämtix amorreonakan Sihón, Og sat reyinakaparu Jordán jawir khurkatan jumanakax tukjapkta uksa yatipxaraktwa.