Josué 23:7 - Qullan Arunaka DC

⁷ Jumanak taypin jakapki uka yaqha markankir jaqinakampix janipun chikachasipxamti, janiraki diosanakaparus yupaychapxamti, jaysapxamsa; sutinakapsa janipun aytasipxamti, jupanak laykus juramento lurapxamti.

Aymar Bibliia 1986

⁷ Uqhamaraqui jumanac taypin jaquir yakha marcanquir jakenacampejj janipuni chicachasipjjamti, janiraqui diosanacaparus yupaychapjjamti ni ist'apjjamsa, ucatsti janiraqui cunataquis uca diosanacapan sutinacapjja aytasipjjamti ni jurapjjamsa, ni uca diosanacarus alt'asipjjamti.

Qullan Arunaca

⁷ Uqhamaraqui jumanac taypin jaquir yakha marcanquir jakenacampejj janipuni chicachasipjjamti, janiraqui diosanacaparus yupaychapjjamti ni ist'apjjamsa, ucatsti janiraqui cunataquis uca diosanacapan sutinacapjja aytasipjjamti ni jurapjjamsa, ni uca diosanacarus alt'asipjjamti.

Josué 23:7 Jak'a apnaqawi uñst'ayäwi

2 Reyes 17:12

Jupanakasti idolonakaruw yupaychapxäna, Tatitux ukanak jan lurapxañapataki siskchïna ukasa.

2 Reyes 5:18

Ukampis nayax Tatituruw achikt'asta, lurkä ukat nayar pampachañapataki: kunapachatix reyixax Rimón sat diosan templopar yupaychir sarkani, ukatsti amparaxar katt'askani, nayasti uka templon killt'asiñaxäkani ukkhaxa, Tatitux uka lurataxat pampachitpan —sasa.

2 Crónicas 7:19

Ukampis jumanakatix nayat saraqapxitäta, janirak kawkïr kamachinaktix churapksma ukanakarus phuqhapkäta, jan ukasti yaqha diosanakar luqtapxäta, yupaychapxarakïta ukaxa,

Salmos 16:4

Kunayman diosanak jupanakax uñstayapxi, ukanakarusti alt'at chuymampiw luqtapxi. Ukampis nayax janipuniw wilañcha luqtäwinakapampi chikachaskäti, janirakiw sutinakapsa aytaskäti.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 23:13

“Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Éxodo 23:33

janirakiw jupanakarux markam taypin jakayätati, jupanakax nayar jan walt'ayañatak jucha lurayapxiristam. Jumasti diosanakapar yupaychiriw tukusma, ukasti chhaqhañaruw puriyiristam.”

Proverbios 4:14

Janiy ñanqha lurir jaqinakan thakhipanjam saramti, janirak jan wali sarnaqäwiparus arkamti.

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 5:7

Tatitux siwa: “¿Kunjämsa jichhax taqi ukanak pampachäma? Wawanakamax nayar apanukupxituwa, ukatsti jan chiqa diosäpki ukanakxaruw juramento lurapxi. Jupanakarux jilarkir manq'añ churta, ukampis taqpachaniw yaqha diosanakar yupaychapxaraki.

Oseas 2:17

17 (19) Lakapatsti Baal diosanakan sutinakap apaqä, janipuniw mayampsa ukanakax aytatäkxaniti.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Números 32:38

ukhamarak Nebo, Baal-meón, Sibmá markanakampi, yaqhip markanakan sutinakapsa yaqha sutimpiw uchapxäna, jupanakan sayt'ayat markanakarusti machaq sutinak uchapxäna.

Números 33:55

Jumanakatix uka uraqin jakir jaqinakar jan alisnukupkätaxa, uka uraqin qhiparirinakax jisk'a t'una lawar uñtata, jan ukax, janchinakamar jan walt'ayir ch'aphir uñtataw jan walt'ayapkätamti;

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

Efesios 5:11

Ch'amakankirinakan jan wali sarnaqäwipampix jan chikachasipxamti, jan ukasti, uka jan wali luräwinak qhanar apsupxam.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Deuteronomio 6:14

Janipuni yaqha markanakan diosanakaparux yupaychapxamti.

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

Josué 23:8

Tatitu Diosamarupun arkapxam, kunjämtix jichhakam arkasipkta ukhama.